ராம்லீலா திருவிழாவில் நள்ளிரவில் பயங்கரம்.. வாலிபர் கொடூரக் கொ**.. அலறியடித்து ஓடிய மக்கள்.. பின்னணியில் இருக்கும் அதிர்ச்சி உண்மை..!!

உத்தரப் பிரதேச மாநிலம் பதாவுன் பகுதியில் உள்ள தாதாகஞ்ச் ராம்லீலா திருவிழா மைதானத்தில், கடந்த வெள்ளிக்கிழமை இரவு வாலிபர் ஒருவர் கூர்மையான ஆயுதங்களால் கொடூரமாகக் வெட்டிக் கொலை செய்யப்பட்டுள்ளார். மேலும், அவருடன் இருந்த நண்பர் படுகாயமடைந்த நிலையில் தீவிர சிகிச்சைக்காக மருத்துவமனையில் அனுமதிக்கப்பட்டுள்ளார். இந்தத் திடீர் கொடூரத் தாக்குதலால் திருவிழாவிற்கு வந்திருந்த மக்களிடையே பெரும் பயமும், கூட்ட நெரிசலும் ஏற்பட்டதுடன், கடைக்காரர்கள் அனைவரும் தங்கள் கடைகளை அடைத்துவிட்டு அலறியடித்துக் கொண்டு ஓடினர்.

இந்தக் கொலைச் சம்பவத்தைத் தொடர்ந்து, ராம்லீலா திருவிழாவில் செய்யப்பட்டிருந்த பாதுகாப்பு ஏற்பாடுகள் குறித்துப் பல்வேறு கேள்விகள் எழுப்பப்பட்டு வருகின்றன. கடந்த நான்கு அல்லது ஐந்து நாட்களாகப் போலீசாருக்கும் திருவிழாக் குழுவினருக்கும் இடையே நிலவி வந்த முன்விரோதம் காரணமாகவே, அந்தப் பகுதியில் போலீஸ் ரோந்து மற்றும் கண்காணிப்புப் பணிகள் மிகவும் பலவீனமாக இருந்ததாகக் குற்றம் சாட்டப்படுகிறது.

ஆன்மீக நாடகங்களை மேடையில் அரங்கேற்றுவது தொடர்பான தகராறில், கோட்வால் ரிஷிபால் சிங் என்பவர் தங்களிடம் 2,50,000 ரூபாய் லஞ்சம் கேட்டதாகத் திருவிழாக் குழுவினர் குற்றம் சாட்டியிருந்தனர். இந்த விவகாரம் குறித்து எஸ்எஸ்பி அங்கிதா சர்மா ஏற்கனவே விசாரணை நடத்தி வரும் நிலையில் இக்கொலை நடந்துள்ளது. தற்போது வரை, இந்தக் கொலைக்கான காரணம் என்ன அல்லது கொலையாளிகள் யார் என்பது குறித்த எந்தவொரு தகவலையும் பாதிக்கப்பட்ட வாலிபரின் குடும்பத்தினரால் வழங்க முடியவில்லை. இதுகுறித்து போலீசார் தீவிர விசாரணை நடத்தி வருகின்றனர்.