LATEST NEWS
“கேள்வி ஒன்று, பதில் வேறொன்று..” முதுமலை புகாரில் வன்னி அரசுவின் ‘டிரெக்கிங்’ ட்விஸ்ட்.. 15 வருட ரகசியத்தை உடைத்த பரபரப்பு பேட்டி..!!
முதுமலை வனப்பகுதிக்குள் அத்துமீறி நுழைந்ததாக எழுந்த புகார்களுக்குப் பதிலளித்த அமைச்சர் வன்னி அரசு, தான் முறையான அனுமதி பெற்றே சென்றதாகத் தனது செயலை நியாயப்படுத்தியுள்ளார். கடந்த 15 ஆண்டுகளாகக் காடுகளுக்கும் கடலுக்கும் சென்று வருவதால் தன்னால் எந்த விலங்குக்கும் தீங்கு ஏற்படாது என்றும், தர்மபுரியின் வத்தல் மலை உள்ளிட்ட கடினமான பகுதிகளுக்குச் சென்ற அனுபவம் தனக்கு உண்டு என்றும் அவர் வாதிட்டுள்ளார். மேலும், தீபாவளி போன்ற பண்டிகை நாட்களில் கூட வீட்டில் இருக்காமல் காடுகளுக்குச் செல்வதையே வழக்கமாகக் கொண்டுள்ளதாகவும், அரசியல் ரீதியாகத் தன்னை எதிர்கொள்ள முடியாதவர்களே இந்த விமர்சனங்களைப் பரப்புவதாகவும் அவர் குற்றம் சாட்டியுள்ளார்.
தனது வனப்பயணங்களை நியாயப்படுத்திய அமைச்சர், கடந்த காலங்களில் தனது முயற்சியாலேயே ‘தமிழ்நாடு டிரக்கிங்’ திட்டம் உருவாக்கப்பட்டதாகப் பெருமிதம் தெரிவித்துள்ளார். வனப்பகுதிக்குச் செல்லும்போது தன்னைச் சந்தித்த பழங்குடியின மக்களின் நிரந்தரப் பணி கோரிக்கையை முன்னாள் முதல்வர் மு.க. ஸ்டாலினிடம் கொண்டு சென்றதாகவும் அவர் குறிப்பிட்டுள்ளார். இவ்வாறு, வனப்பாதுகாப்பு விதிமீறல் குறித்த நேரடியான கேள்விகளுக்குப் பதிலளிப்பதை விட, தனது தனிப்பட்ட இயற்கை ஆர்வத்தையும் பழங்குடியினர் நலன் சார்ந்த செயல்பாடுகளையும் முன்னிறுத்தித் தன் மீதான விமர்சனங்களைத் திசைதிருப்ப அவர் முயன்றுள்ளார்.
