“அய்யோ என்னாச்சு..” மருத்துவமனையில் இருந்து நடிகர் விஷால் வெளியிட்ட உருக்கமான அறிக்கை.. அதிர்ச்சியில் ரசிகர்கள்…!!

பிரபல தமிழ் திரைப்பட நடிகரும், தென்னிந்திய நடிகர் சங்கத்தின் பொதுச்செயலாளருமான விஷால், கோவாவில் நடைபெற்று வரும் ‘புருஷன்’ திரைப்பட படப்பிடிப்பின் போது சண்டைக்காட்சியில் நடித்தபோது எதிர்பாராத விதமாகப் பலத்த காயமடைந்துள்ளார். இயக்குநர் சுந்தர் சி இயக்கத்தில் உருவாகி வரும் இத்திரைப்படத்தின் இறுதிக்கட்ட சண்டைக்காட்சிகள் கோவாவில் தீவிரமாகப் படமாக்கப்பட்டு வந்தன. மிக முக்கியமான ஒரு சண்டைக்காட்சியில் டூப் எதுவும் பயன்படுத்தாமல் விஷால் சுயமாக நடித்தபோது, எதிர்பாராத விதமாக அவரது முதுகுப் பகுதியில் பலத்த காயம் ஏற்பட்டது. விபத்தைத் தொடர்ந்து உடனடியாக அவருக்கு மருத்துவப் பரிசோதனைகள் மேற்கொள்ளப்பட்ட நிலையில், காயம் குணமடைய குறைந்தது 3 வாரங்கள் அவர் முழுமையான ஓய்வு எடுக்க வேண்டும் என்று மருத்துவர்கள் அறிவுறுத்தியுள்ளனர்.

மருத்துவர்களின் இந்தத் தீவிர ஓய்வு அறிவுறுத்தலால், இன்று நடைபெறவிருக்கும் தென்னிந்திய நடிகர் சங்கத்தின் மிக முக்கியமான ஆண்டறிக்கை மற்றும் பொதுக்குழு கூட்டத்தில் விஷாலால் நேரில் கலந்துகொள்ள முடியாத நிலை ஏற்பட்டுள்ளது. இதுகுறித்து அவர் வெளியிட்டுள்ள அறிக்கையில், தான் இதுவரை எண்ணற்ற ஆபத்தான சண்டைக்காட்சிகளில் நடித்திருந்தாலும், இந்தச் சம்பவம் எதிர்பாராமல் நடந்த ஒரு விபத்து என்றும், கடந்த வாரம் தனக்கு மிகவும் கடினமாக அமைந்தது என்றும் குறிப்பிட்டுள்ளார். மேலும், இந்த முக்கிய கூட்டத்தில் உடல்நிலை ஒத்துழைக்காததால் நேரில் வர முடியாவிட்டாலும், தனது எண்ணங்களும் சிந்தனைகளும் கூட்டத்தின் நடவடிக்கைகள் மற்றும் அதில் பங்கேற்கும் உறுப்பினர்கள் அனைவருடனுமே இருக்கும் என்று வருத்தத்துடன் தெரிவித்துள்ள விஷால், விரைவில் குணமடைந்து மீண்டும் படப்பிடிப்பில் இணைய வேண்டும் என்று அவரது ரசிகர்களும் திரை உலகினரும் வாழ்த்துகளைத் தெரிவித்து வருகின்றனர்.