இது என்னப்பா புது கூத்தா இருக்கு…! லொல்லாபலூஸா இசை விழாவில் கூட்டத்திற்கு நடுவே கைமாறிய சிறுநீர் பை…! வைரல் வீடியோவால் வெடித்த விவாதம்..!!

அமெரிக்காவின் சிக்காகோவில் உள்ள கிராண்ட் பூங்காவில் சமீபத்தில் நடைபெற்ற புகழ்பெற்ற ‘லொல்லாபலூஸா’ இசை விழாவில் எடுக்கப்பட்டதாகக் கூறப்படும் விசித்திரமான வீடியோ ஒன்று சமூக வலைத்தளங்களில் வைரலாகி அதிர்ச்சியையும் விவாதத்தையும் ஏற்படுத்தியுள்ளது. இந்த வீடியோவின் உண்மைத்தன்மை அதிகாரப்பூர்வமாக உறுதிப்படுத்தப்படவில்லை என்றாலும், திரளான மக்கள் கூட்டத்திற்கு நடுவே ஒரு பெட்டி அல்லது பை போன்ற பொருள் ஒருவரிடமிருந்து மற்றொருவருக்கு கவனமாகக் கைமாற்றப்படுவதை அந்த காணொளி காட்டுகிறது.

ஆரம்பத்தில் பானங்கள் அடங்கிய பெட்டி போலத் தெரிந்தாலும், அதில் உள்ள பைகளில் ஒன்று சிறுநீர் சேகரிக்கும் பை என்று கூர்ந்து கவனித்த சமூக வலைத்தள பயனர்கள் சிலர் குற்றம் சாட்டியுள்ளனர். கூட்ட நெரிசல் மிகுந்த அந்த நேரடி இசை நிகழ்ச்சியின் போது கழிப்பறைக்குச் செல்ல முடியாத சூழல் ஏற்பட்டதால், கூட்டத்தில் இருந்த ஒருவர் சிறுநீர் கழித்து அந்த பையைக் கைமாற்றியிருக்கலாம் என்று இணையவாசிகள் கருதுகின்றனர். இருப்பினும், அந்த பையில் இருந்தது என்ன என்பது குறித்தோ அல்லது அந்த நிகழ்வின் பின்னணி குறித்தோ இதுவரை அதிகாரப்பூர்வ உறுதிப்படுத்தல் எதுவும் வெளியாகவில்லை.

https://www.instagram.com/reel/DbjHcr8J5OX/?utm_source=ig_web_button_share_sheet

இந்த சம்பவம் குறித்த தெளிவற்ற நிலை நீடித்தாலும், பல்லாயிரக்கணக்கான மக்கள் கூடும் இதுபோன்ற பிரம்மாண்ட இசை நிகழ்ச்சிகளில் கலந்துகொள்வதில் உள்ள சவால்கள் குறித்து இந்த வீடியோ விவாதத்தைக் கிளப்பியுள்ளது. குறிப்பாக, முக்கிய மேடைகளுக்கு அருகில் இருக்கும் ரசிகர்கள் தங்களின் இடத்தையும் பார்வையையும் இழந்துவிடக் கூடாது என்பதற்காக வெளியேறத் தயங்குவதால், இதுபோன்ற நிகழ்வுகளில் போதிய எண்ணிக்கையில் கழிப்பறை வசதிகள் செய்யப்பட்டுள்ளதா என்று பலரும் கேள்விகளை எழுப்பி வருகின்றனர்.