BREAKING: வீரமணி பாலியல் வழக்கில் அடுத்த அதிரடி கைது.. சிக்கிய முக்கிய புள்ளி… அலறும் அரசியல் வட்டாரம்..!!

சென்னை ஜெம் குழுமத் தலைவர் வீரமணி சம்பந்தப்பட்ட சிறுமிகள் பாலியல் வன்கொடுமை வழக்கில், அவருக்கு உடந்தையாக இருந்ததாக கணேசன் என்பவரைத் தனிப்படை போலீசார் அதிரடியாகக் கைது செய்து சிறையில் அடைத்துள்ளனர். இந்த வழக்கில் தொடர்புடைய குற்றவாளிகள் யாராக இருந்தாலும் சட்டத்தின் பிடியில் இருந்து தப்பக் கூடாது என்று தமிழ்நாடு முதலமைச்சர் விஜய் அவர்கள் காவல்துறைக்குக் கடுமையான உத்தரவைப் பிறப்பித்திருந்தார். முதலமைச்சரின் இந்த அதிரடி உத்தரவைத் தொடர்ந்து, சென்னை காவல் ஆணையரின் வழிகாட்டுதலின்படி காவல்துறையினர் தங்களது விசாரணையை அசுர வேகத்தில் தீவிரப்படுத்தியதன் விளைவாக இந்த அடுத்தக்கட்டக் கைது நடவடிக்கை மேற்கொள்ளப்பட்டுள்ளது.

முன்னதாக, ஏழைச் சிறுமிகளுக்குப் படிப்பிற்கு நிதியுதவி அளிப்பதாகக் கூறி தேனாம்பேட்டையில் உள்ள வாடகை வீட்டில் வைத்து துஷ்பிரயோகம் செய்த புகாரில் 84 வயதான தொழிலதிபர் வீரமணி, அவருக்குத் துணையாக இருந்த சாந்தி மற்றும் மகேந்திர சிம்கன் ஆகிய மூவரைப் போக்சோ சட்டத்தின் கீழ் போலீசார் ஏற்கனவே கைது செய்து சிறையில் அடைத்துள்ளனர். தற்போது இந்த விவகாரத்தில் வீரமணிக்குத் தொடர்ந்து பல்வேறு வழிகளில் உதவி செய்து வந்ததாக கணேசன் என்பவரும் சிக்கியுள்ளார். இந்த கொடூரப் பின்னணியில் இருக்கும் பிற முக்கியப் பிரமுகர்கள் மற்றும் தொழிலதிபர்கள் யாரையும் தப்பவிடக் கூடாது என்ற நோக்கில், காவல்துறையினர் தங்களது அடுத்தகட்ட ரகசிய விசாரணையை மேலும் தீவிரப்படுத்தியுள்ளனர்.