“OPS மட்டும் தவெக-வுக்கு வந்தா” இது நடந்தே தீரும்.. தமிழக அரசியலில் வெடிக்கப்போகும் அடுத்த அணுகுண்டு.. ‘தேவர்’ பட நடிகர் பஷீர் கொடுத்த திடீர் ஷாக்..!!

நடிகர் ஜெ.எம். பஷீர் சமீபத்தில் தமிழக வெற்றிக் கழகத்தில் இணைந்தார். கட்சிப் பணியைத் தொடங்கியுள்ள அவர், சென்னை செய்தியாளர்களைச் சந்தித்து தமிழக அரசியல் சூழல் குறித்தும், தனது புதிய அரசியல் பயணம் குறித்தும் பல்வேறு கருத்துக்களைப் பகிர்ந்து கொண்டார்.

அப்போது பேசிய அவர், முன்னாள் முதலமைச்சர் ஓ. பன்னீர்செல்வம் தனது எம்.எல்.ஏ. பதவியை ராஜினாமா செய்துவிட்டு தமிழக வெற்றிக் கழகத்தில் இணைய வேண்டும் என்று விருப்பம் தெரிவித்தார். அவர் அவ்வாறு தவெகவில் இணைந்தால், ஒட்டுமொத்த அனைத்திந்திய அண்ணா திராவிட முன்னேற்றக் கழகமே (அதிமுக) தவெக பக்கம் வந்தது போன்ற ஒரு மிகப்பெரிய அரசியல் தாக்கம் தமிழ்நாட்டில் ஏற்படும் என்றும் அவர் குறிப்பிட்டார்.

செய்தியாளர்களைச் சந்தித்த நடிகர் ஜெ.எம். பஷீர், தமிழ் சினிமாவில் ‘தேசிய தலைவர்’ என்ற திரைப்படத்தில் பசும்பொன் முத்துராமலிங்க தேவர் கதாபாத்திரத்தில் நடித்துப் புகழ்பெற்றவர் என்பது குறிப்பிடத்தக்கது. தற்போது தவெகவில் இணைந்துள்ள இவரின் இந்த அரசியல் கருத்து, அரசியல் வட்டாரத்தில் புதிய விவாதத்தை ஏற்படுத்தியுள்ளது.