ஏன் இன்னும் போட்டோ வரல..? 15 நாட்களாகத் தொடரும் மர்மம்.. வி.எஸ்.பாபு விவகாரத்தில் அரசுக்குப் புது நெருக்கடி… சிபிஎம் சண்முகம் அதிரடி காட்டம்..!!

கொளத்தூர் தவெக சட்டமன்ற உறுப்பினர் வி.எஸ். பாபுவின் உடல்நிலை விவகாரம் தற்போது தமிழக அரசியல் களத்தில் விவாதப் பொருளாக மாறியுள்ளது. கடந்த செப்டம்பர் 9-ஆம் தேதி முதல் அவர் மூச்சுத்திணறல் காரணமாகச் சென்னையில் உள்ள தனியார் மருத்துவமனையில் அனுமதிக்கப்பட்டு சிகிச்சை பெற்று வருகிறார். அவரது உடல்நிலை குறித்துப் பல்வேறு வதந்திகள் பரவி வரும் நிலையில், தவெக அரசு இந்த விவகாரத்தில் வெளிப்படைத்தன்மையுடன் செயல்படாமல் உண்மையை மறைப்பதாகப் புகார்கள் எழுந்துள்ளன.

தவெக ஆட்சி அமைப்பதற்கு ஆதரவு அளித்துள்ள மார்க்சிஸ்ட் கம்யூனிஸ்ட் கட்சியின் (CPM) மாநிலக் குழு உறுப்பினர் பெ.சண்முகம், இந்த விவகாரத்தில் அரசு வெளிப்படைத் தன்மையுடன் இல்லை எனச் சாடியுள்ளார். மக்கள் பிரதிநிதியின் உடல்நிலை குறித்த துல்லியமான தகவல்களை மக்களுக்குத் தெரிவிக்க வேண்டியது அரசின் கடமை என்றும், ஆனால் தவெக அரசு அதனைச் செய்யத் தவறிவிட்டதாகவும் அவர் விமர்சித்துள்ளார்.

இதுவொருபுறம் இருக்க, முதலமைச்சர் விஜய் அண்மையில் மருத்துவமனைக்கு நேரில் சென்று வி.எஸ். பாபுவின் உடல்நிலை குறித்துக் கேட்டறிந்தார். எனினும், முதலமைச்சரின் இந்தச் சந்திப்பிற்குப் பிறகும் வி.எஸ். பாபுவின் தற்போதைய புகைப்படங்கள் எதையும் அரசு தரப்போ அல்லது கட்சியோ வெளியிடாதது ஏன் என்று அரசியல் பிரமுகர்களும், பொதுமக்களும் கேள்வி எழுப்பி வருகின்றனர். 15 நாட்களுக்கும் மேலாக அவர் தீவிர சிகிச்சையில் உள்ளதால், இந்த விவகாரத்தில் அரசு உரிய விளக்கமளிக்க வேண்டும் என்ற கோரிக்கையும் வலுத்து வருகிறது.