BREAKING: ஜெம் வீரமணியின் மகள் மருத்துவமனையில் திடீர் அனுமதி… என்னாச்சு அவருக்கு.? வெளியான அதிர்ச்சி தகவல்..!!

சென்னையிலிருந்து சிங்கப்பூருக்குத் தப்பிச் செல்ல முயன்ற பிரபல தொழிலதிபர் ஜெம் வீரமணியின் மகள் அர்ச்சனா வீரமணியை, சிறப்பு புலனாய்வுக் குழு (SIT) போலீஸார் சென்னை விமான நிலையத்தில் வைத்து மடக்கிப் பிடித்தனர். சிறுமிகளுக்குப் பாலியல் தொல்லை அளித்த வழக்கில் கைதாகி சிறையிலுள்ள ஜெம் வீரமணியின் வழக்கை மூடிமறைக்க, பெரிய அளவில் பணம் மற்றும் நகைகள் லஞ்சமாகக் கைமாறியதாகக் கூறப்படும் நிலையில், அதுகுறித்த விசாரணைக்காக அவர் தடுத்து நிறுத்தப்பட்டார்.

விமான நிலையத்தில் வைத்து போலீஸார் அவரிடம் பல்வேறு கேள்விகளை எழுப்பி தீவிர விசாரணை மேற்கொண்டனர். அப்போது, அதிகாரிகளின் அடுக்கடுக்கான கேள்விகளுக்குப் பதிலளிக்க முடியாமல், அர்ச்சனா வீரமணி திடீரென மயங்கி விழுந்தார். இதனால் பதற்றமடைந்த போலீஸார், அவரை மீட்டு உடனடியாக அருகில் உள்ள ஒரு தனியார் மருத்துவமனையில் சிகிச்சைக்காக அனுமதித்துள்ளனர்.

சிறுமிகளை மிரட்டி பாலியல் வன்கொடுமை செய்த புகாரில் 82 வயதான ஜெம் வீரமணி மீது 7 போக்சோ வழக்குகள் உட்பட மொத்தம் 8 வழக்குகள் பதிவு செய்யப்பட்டுள்ளன. இந்த விவகாரத்தில் அவருக்கு உடந்தையாக இருந்த அவரது உதவியாளர் சாந்தி மற்றும் அவரது கணவர் உள்ளிட்ட 7 பேர் ஏற்கனவே கைது செய்யப்பட்டுள்ள நிலையில், தற்போது மகளிடமும் விசாரணை தீவிரமடைந்துள்ளது இந்த வழக்கில் பெரும் பரபரப்பை ஏற்படுத்தியுள்ளது.