இலவசம் தானே! மகளிர் டிக்கெட்டை கிழித்து வீசிய நடத்துனர்… துணிச்சலுடன் அதை வீடியோ எடுத்த பெண்… அரசின் அதிரடி உத்தரவு…!!

தமிழ்நாட்டில் செயல்பட்டு வரும் ‘மகளிர் விடியல் பயணம்’ திட்டத்தின் கீழ், நகர மற்றும் டவுன் அரசுப் பேருந்துகளில் பெண்கள் கட்டணமின்றி இலவசமாகப் பயணம் செய்யலாம். இந்த சேவையை எத்தனை பெண்கள் பயன்படுத்துகிறார்கள் என்பதை அதிகாரப்பூர்வமாக கணக்கிடுவதற்காக, பயணம் செய்யும் ஒவ்வொரு பெண்ணுக்கும் கட்டணம் இல்லாத சிறப்பு டிக்கெட்டை நடத்துநர்கள் கட்டாயம் வழங்க வேண்டும். ஆனால், சமீபத்தில் சென்னை மாநகரப் பேருந்து ஒன்றில், நடத்துநர் ஒருவர் பெண்களுக்கான இலவச டிக்கெட்டுகளை அவர்களுக்கு வழங்காமல் அலட்சியமாக கிழித்து கீழே வீசும் வீடியோ இணையத்தில் வெளியாகி கடும் அதிர்ச்சியை ஏற்படுத்தியது.

சமூக வலைதளங்களில் பரவிய இந்த வீடியோ மற்றும் பயணிகளின் அதிருப்தியைத் தொடர்ந்து, போக்குவரத்துத் துறை அதிகாரிகள் சம்பந்தப்பட்ட ஊழியர் மீது உடனடியாக ஒழுங்கு நடவடிக்கை எடுத்தனர். அரசின் முக்கியமான நலத்திட்டத்தின் நோக்கத்தை சீர்குலைக்கும் வகையில் செயல்பட்ட அந்த நடத்துநரை அதிகாரிகள் தற்காலிகமாகப் பணியிடை நீக்கம் செய்துள்ளனர். ஒவ்வொரு பெண்ணுக்கும் தனித்தனியாக டிக்கெட் வழங்குவதற்குப் பதிலாக, மொத்தமாக டிக்கெட்டுகளை எடுத்து ஒருவரிடமே கொடுத்து வழங்கும் விதிமீறல்கள் ஏற்கனவே சில பேருந்துகளில் நடப்பதாக புகார்கள் உள்ள நிலையில், இந்த கடுமையான நடவடிக்கை எடுக்கப்பட்டுள்ளது.