“அட பாவமே.. காற்றில் பறந்து விழுந்த பைக்..” நீதிபதியின் மைனர் மகன் செய்த கொடூரம்… நெஞ்சை நடுங்க வைக்கும் பின்னணி..!!

கேரளாவில் ஒரு அதிர்ச்சியூட்டும் ஹிட்-அண்ட்-ரன் சம்பவம் நடந்துள்ளது. இங்கு ஒரு நீதிபதியின் சிறுவனான மகன், அதிவேகமாக வந்த மெர்சிடிஸ் காரால் மோதியதில் பைக் ஓட்டிச் சென்ற ஜயா பாலகிருஷ்ணன் என்பவர் சம்பவ இடத்திலேயே பரிதாபமாக உயிரிழந்தார்.

கேரள மாநிலம் எர்ணாகுளத்தில் சனிக்கிழமை பிற்பகலில் இந்த பயங்கர விபத்து நேரிட்டுள்ளது. இதில் ஒரு அதிவேக மெர்சிடிஸ்-பென்ஸ் காரை ஓட்டிவந்த சிறுவன், முன்னால் சென்று கொண்டிருந்த பைக் மீது மோதியுள்ளான். இந்த மோதல் எந்தளவுக்கு உக்கிரமாக இருந்ததென்றால், பைக் ஓட்டியவர் பைக்கோடு சேர்த்து காற்றில் தூக்கி வீசப்பட்டார். இந்த விபத்தில் அவர் நிகழ்விடத்திலேயே உயிர் துறந்தார். தகவல் அறிந்து வந்த காவல்துறையினர் உடலைக் கைப்பற்றி பிரேத பரிசோதனைக்காக அனுப்பி வைத்துள்ளதுடன், இந்த வழக்கு குறித்து விசாரணை நடத்தி வருகின்றனர்.

காவல்துறையின் தரவுகளின்படி, காரை ஓட்டியது ஒரு நீதிபதியின் மைனர் மகன் ஆவான். விசாரணையில், அவர் தனது தந்தையின் பெயரில் பதிவு செய்யப்பட்ட காரை யாருக்கும் தெரியாமல் எடுத்துச் சென்றது தெரியவந்துள்ளது. அவர் வள்ளார்படத்திலிருந்து கலாமசேரி நோக்கிச் சென்றுகொண்டிருந்தபோது இந்த விபத்து ஏற்பட்டுள்ளது. செரானல்லூர் பகுதியில் உள்ள கண்டெய்னர் ரோட்டில் மாரப்பரம்பு அருகே நிகழ்ந்த இச்சம்பவத்தின் சிசிடிவி காட்சிகளும் தற்போது வெளியாகியுள்ளது.