கொடூரம்.! மனைவி ஊருக்குச் சென்ற நேரத்தில்… கதவைத் தட்டிய மரணம்! தூங்கிக் கொண்டிருந்த நபரைத் துடிதுடிக்கக் கொன்ற மர்மக் கும்பல்..!!

உத்தரப் பிரதேச மாநிலம் முராடாபாத் மாவட்டம் தாக்கூர் துவாரா பகுதியில் வசித்து வந்த பிரமோத் (40) என்ற மாற்றுத்திறனாளி நபர், தனது வீட்டிற்குள் ரத்த வெள்ளத்தில் சடலமாகக் கண்டெடுக்கப்பட்டுள்ளார். வட்டித் தொழில் மற்றும் விவசாயம் செய்து வந்த இவர், சம்பவத்தன்று இரவு வீட்டில் தனியாக இருந்துள்ளார். மறுநாள் காலை வீட்டின் வாசலுக்கு வெளியே ரத்தம் வழிந்து ஓடியதைக் கண்ட உள்ளூர் பால் வியாபாரி ஒருவர், அதிர்ச்சியடைந்து பிரமோத்தின் மனைவி சுனிதாவிற்குத் தகவல் கொடுத்துள்ளார். விரைந்து வந்து பார்த்தபோது பிரமோத் கொடூரமான முறையில் கொலை செய்யப்பட்டு கிடந்துள்ளார்.

காவல்துறையின் முதற்கட்ட விசாரணையில், நள்ளிரவில் வீட்டிற்குள் புகுந்த அடையாளம் தெரியாத மர்ம நபர்கள், கூர்மையான ஆயுதத்தால் பிரமோத்தின் தலையில் பலமாகத் தாக்கிப் படுகொலை செய்திருப்பது தெரியவந்துள்ளது. சம்பவத்தன்று இரவு பிரமோத்தின் அறிவுறுத்தலின் பேரில், அவரது மனைவி குழந்தைகளை அழைத்துக் கொண்டு அருகிலுள்ள கிராமத்திற்குச் சென்றிருந்ததால் அவர் நல்வாய்ப்பாக உயிர் தப்பியுள்ளார். இந்தத் துயரச் சம்பவத்தால் பாதிக்கப்பட்ட குடும்பத்தினர் பெரும் சோகத்தில் மூழ்கியுள்ளனர்.

இக்கொலைச் சம்பவம் குறித்துத் தகவல் அறிந்ததும் எஸ்பி மற்றும் டெபுடி எஸ்பி தலைமையிலான காவல்துறையினர் சம்பவ இடத்திற்கு விரைந்து வந்து உடலைக் கைப்பற்றினர். குற்றவாளிகளைப் பிடிக்கத் தடய அறிவியல் நிபுணர்கள், மோப்ப நாய் மற்றும் அப்பகுதியில் உள்ள சிசிடிவி கேமரா பதிவுகளைக் கொண்டு தீவிர விசாரணை மேற்கொண்டு வருகின்றனர். பாதிக்கப்பட்ட குடும்பத்தினர் அளித்த புகாரின் பேரில் வழக்குப் பதிவு செய்யப்பட்டுள்ளதாகவும், விரைவில் கொலையாளிகள் கைது செய்யப்படுவார்கள் என்றும் காவல்துறை தரப்பில் தெரிவிக்கப்பட்டுள்ளது.