“நள்ளிரவில் பயங்கரம்.. 2 சகோதரிகளின் படுக்கையறைக்குள் நுழைந்த ‘மர்ம எமன்’.. அடுத்து நடந்த கொடூர விபரீதம்…. நெஞ்சை பதறவைக்கும் சம்பவம்..!!

உத்தரப் பிரதேச மாநிலம் காசியாபாத்தில், போஜ்பூர் காவல் நிலைய எல்லைக்குட்பட்ட நக்லா அமீன்பூர் கிராமத்தில் ஒரே இரவில் இரண்டு உடன்பிறந்த சகோதரிகளைப் பாம்பு கடித்த அதிர்ச்சிச் சம்பவம் அரங்கேறியுள்ளது. வீட்டில் உறங்கிக் கொண்டிருந்த 9 வயது சிறுமி மான்வி மற்றும் அவரது 14 வயது மூத்த சகோதரி பாலக் ஆகிய இருவரையும் ஒரே இரவில் பாம்பு கடித்துள்ளது. இந்தத் திடுக்கிடும் சம்பவத்தால் அவர்களது குடும்பத்தினர் பெரும் அதிர்ச்சியடைந்து, இருவரையும் மீட்டு சிகிச்சைக்காக உடனடியாக மருத்துவமனைக்குக் கொண்டு சென்றனர்.

மருத்துவமனையில் அனுமதிக்கப்பட்டு சிகிச்சை பெற்று வந்த நிலையில், துரதிர்ஷ்டவசமாக 9 வயது சிறுமி மான்வி சிகிச்சை பலனின்றி பரிதாபமாக உயிரிழந்தார். அதே நேரத்தில், ஆபத்தான நிலையில் இருக்கும் அவரது மூத்த சகோதரி பாலக்கிற்கு மீரட் மருத்துவக் கல்லூரியில் தீவிர சிகிச்சை பிரிவில் சேர்க்கப்பட்டு தொடர்ந்து சிகிச்சை அளிக்கப்பட்டு வருகிறது. அவரது நிலைமை தற்போது மிகவும் கவலைக்கிடமாக இருப்பதாக மருத்துவமனை வட்டாரங்கள் தெரிவிக்கின்றன. ஒரே குடும்பத்தைச் சேர்ந்த இரு சிறுமிகளைப் பாம்பு கடித்ததில் ஒருவர் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.