“நள்ளிரவில் பயங்கரம்.. துப்பாக்கி, வெடிகுண்டுகளுடன் வந்த கும்பல்..” எல்.பி.யு வளாகத்திற்குள் புகுந்த அரசியல் கூலிப்படை.. அலறியடித்து ஒடிய மாணவர்கள்.. இணையத்தை உலுக்கும் வீடியோ..!!

பஞ்சாப் மாநிலத்திலுள்ள லவ்லி புரொபஷனல் பல்கலைக்கழக வளாகத்திற்குள் துப்பாக்கிகள், கையெறி குண்டுகள் மற்றும் கத்திகளுடன் அடையாளம் தெரியாத நபர்கள் அத்துமீறி நுழைந்த சம்பவம் பெரும் பரபரப்பை ஏற்படுத்தியுள்ளது. பல்கலைக்கழகத்திற்குள் நுழைந்தவர்கள் அங்கிருக்கும் மாணவர்கள் அல்ல என்றும், அவர்கள் ஒரு குறிப்பிட்ட அரசியல் கட்சியைச் சேர்ந்த கூலிப்படையினர் என்றும் கடுமையான குற்றச்சாட்டுகள் எழுந்துள்ளன. இந்த ஆயுதமேந்திய ஊடுருவல் காரணமாக, வளாகத்தில் தங்கியிருக்கும் சுமார் 2,000-க்கும் மேற்பட்ட மாணவர்களின் உயிர் பாதுகாப்பிற்குப் பெரும் அச்சுறுத்தல் ஏற்பட்டுள்ளதால், மாணவர்களும் அவர்களின் பெற்றோர்களும் கடும் அதிர்ச்சியிலும் கவலையிலும் ஆழ்ந்துள்ளனர்.

பல்கலைக்கழக வளாகத்தில் ஏற்பட்டுள்ள இந்த அசாதாரண சூழ்நிலைக்குப் பின்னால் பலமான அரசியல் பின்னணி இருப்பதாகக் கூறப்படுகிறது. எல்.பி.யு பல்கலைக்கழகத்தின் நிறுவனர் அசோக் மிட்டல் சில மாதங்களுக்கு முன்புதான் பாரதிய ஜனதா கட்சியில் இணைந்தார் என்பது குறிப்பிடத்தக்கது. அவரது இந்த அரசியல் மாற்றமே இந்த விபரீத சம்பவத்திற்குக் காரணம் என்றும், அரசியல் உள்நோக்கத்தோடு திட்டமிடப்பட்டு பல்கலைக்கழகத்தின் அமைதியைக் குலைக்கவே இந்த ஆயுதமேந்திய கும்பல் அனுப்பப்பட்டிருக்கலாம் என்றும் உள்ளூர் வட்டாரங்களில் பரவலாகக் குற்றச்சாட்டுகள் எழுந்து வருகின்றன.