அய்யோ கொடுமை..! ஆடைகளைக் கலைத்து கொடூரத் தாக்குதல்.. அக்கா வீட்டிற்குச் சென்ற தம்பிக்கு நேர்ந்த பயங்கரம்… கதறும் குடும்பத்தினர்..!!

உத்தரப் பிரதேசம் ஷாம்லி மாவட்டம் பனத் நகரில் பாய் தூஜ் திருவிழா அன்று ஒரு அதிர்ச்சியூட்டும் சம்பவம் நடந்துள்ளது. தனது சகோதரியை சந்திப்பதற்காக அவரது கணவன் வீட்டிற்குச் சென்ற அங்கூஷ் பால் என்ற இளைஞர் அடித்துக்கொலை செய்யப்பட்டுள்ளார். மதியம் 12 மணியளவில் அவர் தனது சகோதரியின் வீட்டிற்குச் சென்றபோது அங்கு வாக்குவாதம் ஏற்பட்டதாகவும், அதனைத் தொடர்ந்து அவரது சகோதரியின் குடும்பத்தினர் அவரைத் தாக்கியதாகவும் உறவினர்கள் குற்றம்சாட்டுகின்றனர்.

தாக்குதலில் ஈடுபட்டவர்கள் அங்கூஷை ஆடைகளைக் கலைத்து கொடூரமாகத் தாக்கியதாகக் குடும்பத்தினர் குற்றம்சாட்டியுள்ளனர். இதனால் அவர் படுகாயமடைந்து உயிரிழந்தார். இந்தச் சம்பவத்தில் சகோதரியின் கணவர், மாமனார், மைத்துனர் மற்றும் அவர்களது நண்பர்கள் சிலர் ஈடுபட்டுள்ளதாகக் கூறப்படுகிறது. இதனால் அப்பகுதியில் உள்ள குடும்பத்தினரிடையே பெரும் சோகமும் அதிர்ச்சியும் ஏற்பட்டுள்ளது.

இறந்த அங்கூஷ் பால் தனது குடும்பத்தில் மூன்று சகோதரிகளுக்கு ஒரே தம்பதியாவார். அவர் பி.டெக் படித்து முடித்துவிட்டு வேலைக்காகத் தயாராகி வந்ததால், குடும்பத்தினர் அவர் மீது அதிக எதிர்பார்ப்பு வைத்திருந்தனர். இந்தச் சம்பவம் குறித்துத் தகவல் அறிந்த ஆதர்ஷ் மண்டி காவல் நிலைய போலீசார் உடனடியாக சம்பவ இடத்திற்கு விரைந்து வந்து, உடலைக் கைப்பற்றிப் பிரேதப் பரிசோதனைக்கு அனுப்பி வைத்ததுடன், தலைமறைவாக உள்ள குற்றவாளிகளைத் தேடும் பணியில் தீவிரமாக ஈடுபட்டுள்ளனர்.