“ராவணனுக்கு இவ்வளவு கோபம் ஆகாதுப்பா..!” அம்பு விட்ட ராமரையே அலறியடித்து ஓடவிட்ட ‘ராக்கெட் ராவணன்’.. நெட்டிசன்களை வயிறு குலுங்க சிரிக்க வைத்த வீடியோ..!!

தசரா மற்றும் ராவண தஹன் திருவிழாக் கொண்டாட்டங்களின் போது, ராவணனின் உருவ பொம்மைக்குத் தீ வைக்கப்பட்டவுடன் அதிலிருந்து ராக்கெட்டுகள் கூட்டத்தை நோக்கிச் சரமாரியாகப் பாய்ந்த அதிரடியான மற்றும் வேடிக்கையான வீடியோ ஒன்று சமூக வலைதளங்களில் வெளியாகி நெட்டிசன்களைச் சிரிக்க வைத்துள்ளது. எக்ஸ் தளத்தில் பகிர்ந்துள்ள 21 வினாடிகள் கொண்ட இந்த வீடியோவில், ராமர் வேடமிட்ட நபர் ராவண உருவ பொம்மைக்கு அம்பெய்து தீ வைப்பதைக் காண முடிகிறது. ஆனால், தீப்பிடித்த அடுத்த நொடியே யாரும் எதிர்பாராத விதமாக, ராவணனின் உடலிலிருந்து டஜன் கணக்கான ராக்கெட்டுகள் ஒன்றன்பின் ஒன்றாகப் பொதுமக்களை நோக்கித் தற்காப்புக்காகப் பாய்வது போலத் நேரடியாக ஏவப்பட்டன.

வழக்கமாக ராவண தஹனின் போது பட்டாசுகள் வானத்தை நோக்கி வெடிக்கும் நிலையில், இந்த முறை ராவணன் கடும் கோபத்துடன் பொதுமக்கள் மீது ‘நெருப்பு அம்புகளைப்’ பொழிவது போல் காட்சியளித்தது பெரும் பீதியையும் அதேசமயம் நகைச்சுவையையும் ஏற்படுத்தியது. இந்தத் திடீர் ராக்கெட் தாக்குதலால் அங்கிருந்த ராமலீலா நடிகர்களும் பொதுமக்களும் தங்களது உயிரைக் காப்பாற்றிக் கொள்ள நாலாபுறமும் சிதறி ஓடிய நிலையில், நல்வாய்ப்பாக இந்த விசித்திரமான விபத்தில் யாருக்கும் எந்தக் காயமும் ஏற்படவில்லை. ஒவ்வொரு ஆண்டும் தசரா பண்டிகையின் போது தவறாமல் இணையத்தில் வலம் வரும் இந்த வீடியோவின் பின்னணி இசையும், “ராவணன் அனைவரிடமும் பழி தீர்க்கிறான்” என நெட்டிசன்கள் பதிவிட்டு வரும் கருத்துகளும் சமூக வலைத்தளங்களில் சிரிப்பலையை ஏற்படுத்தி வருகின்றன.