ஐயோ பாவம்..! கொஞ்சம் கூட மனசாட்சியே இல்லையா..? ஸ்கூட்டர் மீது மோதிட்டு நிற்காமல் தப்பி ஓடிய தார் கார்… நெஞ்சை பதற வைக்கும் பகீர் சிசிடிவி காட்சி..!!

ராஜஸ்தானின் ஜெய்ப்பூரில் உள்ள சங்கனேர் பகுதியில், வேகமாக வந்த மஹிந்திரா தார் எஸ்.யு.வி வாகனம் மோதியதில், 57 வயதான பால் பண்ணை உரிமையாளர் நாவல் சர்மா என்பவர் பரிதாபமாக உயிரிழந்தார். இச்சம்பவம் சனிக்கிழமை அதிகாலை நடைபெற்றுள்ளது. விபத்தை ஏற்படுத்திய வாகனத்தின் ஓட்டுநர் சம்பவ இடத்திலிருந்து தப்பிச் சென்றுவிட்ட நிலையில், காயமடைந்த நாவல் சர்மா சிகிச்சைப் பலனின்றி உயிரிழந்தார். இந்த விபத்து தொடர்பான சிசிடிவி காட்சிகள் திங்கள்கிழமை வெளியாகி பரபரப்பை ஏற்படுத்தியுள்ளன.

சங்கனேர் பகுதியில் உள்ள புத்தசிங்புராவைச் சேர்ந்த நாவல் சர்மா, சனிக்கிழமை அதிகாலை 6 மணியளவில் தனது இருசக்கர வாகனத்தில் பால் பண்ணைக்குச் சென்று கொண்டிருந்தார். அப்போது, பின்னால் அதிவேகமாக வந்த மஹிந்திரா தார் வாகனம் அவரது இருசக்கர வாகனத்தின் மீது மோதியது. விபத்தை ஏற்படுத்திய ஓட்டுநர் வாகனத்தை நிறுத்தாமல் உடனடியாக அங்கிருந்து தப்பிச் சென்றதாகக் காவல்துறையினர் தெரிவித்தனர்.

விபத்தைக் கண்ட வழிப்போக்கர்கள் உடனடியாகக் காவல்துறையினருக்குத் தகவல் தெரிவித்தனர். காயமடைந்த நாவல் சர்மா மீட்கப்பட்டு மருத்துவமனைக்குக் கொண்டு செல்லப்பட்டார், ஆனால் அங்கு சிகிச்சைப் பலனின்றி அவர் உயிரிழந்தார். ஞாயிற்றுக்கிழமை மதியம் எஸ்.எம்.எஸ் மருத்துவமனையில் உடற்கூறாய்வு செய்யப்பட்ட பிறகு, அவரது உடல் குடும்பத்தினரிடம் ஒப்படைக்கப்பட்டது. தலைமறைவாக உள்ள வாகனம் மற்றும் அதன் ஓட்டுநரைக் கண்டுபிடிக்கப் காவல்துறையினர் இரண்டு தனிப்படைகளை அமைத்து தீவிரமாகத் தேடி வருகின்றனர்.