“அய்யோ கடவுளே..! பள்ளிக்குச் செல்ல கதவைத் தட்டிய மாமா…” உள்ளே காத்திருந்த கொடூர அதிர்ச்சி.. 10 வயது சிறுமிக்கும் தாய்க்கும் நேர்ந்த கொடூரம்.. குலை நடுங்க வைக்கும் பின்னணி..!!

பஞ்சாப் மாநிலம் படாலா பகுதியில் வாடகைக்கு குடியிருந்து வந்த தாயும், அவருடைய 10 வயது பெண் குழந்தையும் ரத்தக் கறைகளுடன் சடலமாகக் கண்டெடுக்கப்பட்ட கொடூர சம்பவம் அப்பகுதியில் பெரும் பரபரப்பை ஏற்படுத்தியுள்ளது. தினமும் காலையில் அந்தச் சிறுமியை பள்ளிக்கு அழைத்துச் செல்வதற்காக அவருடைய மாமா வருவது வழக்கம். எப்போதும் போல அவர் இன்று காலையிலும் தொலைபேசி மூலம் தொடர்பு கொண்டபோது, நீண்ட நேரமாகியும் மறுமுனையில் இருந்து எந்தப் பதிலும் வரவில்லை. இதனால் சந்தேகமடைந்த அவர், நேரடியாக வீட்டிற்குச் சென்று பார்த்துள்ளார். அப்போது வீட்டின் முன் கதவு வெளிப்புறமாக பூட்டப்பட்டிருப்பதைக் கண்டு அதிர்ச்சியடைந்தார். உடனடியாக கதவை உடைத்துக் கொண்டு உள்ளே சென்று பார்த்தபோதுதான், சுமார் 40 வயதுடைய அந்தத் தாயும், சிறுமியும் மிகக் கொடூரமான முறையில் கொலை செய்யப்பட்டு கிடந்தது தெரியவந்தது.

இச்சம்பவம் குறித்து வழக்குப் பதிவு செய்துள்ள போலீசார், பெண்ணின் தலைமறைவாக உள்ள கணவர் மீது பலத்த சந்தேகம் கொண்டு அவரைத் தீவிரமாகத் தேடி வருகின்றனர். உயிரிழந்த பெண்ணின் சகோதரர் அளித்த தகவலின்படி, கணவர் போதைப்பொருட்களுக்கு அடிமையானவர் என்றும், இதனால் தம்பதியினருக்கு இடையே வீட்டில் அடிக்கடி கடுமையான தகராறு ஏற்பட்டு வந்ததாகவும் தெரியவந்துள்ளது. இந்த குடும்பத் தகராறு காரணமாகவே இக்கொலை நடந்திருக்கலாம் என்ற கோணத்திலும், சம்பவ இடத்தில் கிடைத்த தடயங்கள் மற்றும் பிரேதப் பரிசோதனை அறிக்கைகளின் அடிப்படையிலும் போலீசார் தங்களின் விசாரணையை முடுக்கிவிட்டுள்ளனர்.