“4 நாளில் 1.2 லட்சம் லைக்ஸ்….! நீ பெரிய ஆளா… இல்லை நான் பெரிய ஆளான்னு பார்த்துருவோம்டா…. லண்டன் பிளாட்ஃபார்மில் குத்துச்சண்டை போட்ட கியூட் குட்டி எலிகள்…! இணையத்தை கலக்குற வைரல் வீடியோ..!!”

லண்டனின் ஆக்ஸ்போர்டு சர்க்கஸ் சுரங்கப்பாதை ரயில் நிலையத்தின் பிளாட்ஃபார்மில், இரண்டு சிறிய எலிகள் தங்களது பின்னங்கால்களில் நின்றுகொண்டு, குத்துச்சண்டை போடுவது போலத் தங்களது முன்னங்கால்களால் ஒன்றையன்று தாக்கிச் சண்டையிட்டுக் கொண்டன. இந்த வித்தியாசமான நிகழ்வை அங்கு நின்றிருந்த பயணிகள் வியப்புடன் பார்த்துள்ளனர். ஆகஸ்ட் 29 அன்று இணையத்தில் பகிரப்பட்ட இந்த வீடியோவில், “லண்டன் சுரங்கப்பாதையில் சண்டை சண்டை… ஆனால் இது எவ்வளவு அழகாக இருக்கிறது!” என்ற குறிப்புடன் பதிவிடப்பட்டிருந்தது. தரைப்பகுதியில் கிடந்த ஏதோவொரு உணவுப் பொருளைப் கைப்பற்றுவதற்காகவே இந்த இரண்டு எலிகளும் சண்டையிட்டிருக்கலாம் என்று சந்தேகிக்கப்படுகிறது.

இந்த வேடிக்கையான வீடியோ வெளியானது முதல் நான்கு நாட்களிலேயே 1,20,000-க்கும் மேற்பட்ட விருப்பங்களைப் பெற்று இணையத்தில் வைரலானது. எலிகளைக் கண்டு பயப்படுவதற்குப் பதிலாக, பெரும்பாலான மக்கள் இந்த காட்சியை மிகவும் நகைச்சுவையாகவே எடுத்துக் கொண்டனர். பயனரொருவர் கருத்து தெரிவிக்கையில், “அனைவரும் வேலை முடிந்து வீட்டிற்குச் செல்ல முயலும் போது, இந்த எலிகள் இப்படிச் சண்டையிடுவது லண்டனுக்கே உரிய தனித்துவமான காட்சி” எனக் குறிப்பிட்டிருந்தார்.

சமூக வலைதளப் பயனர்கள் சிலர் இந்த வீடியோவைக் கொண்டு லண்டன் மற்றும் நியூயார்க் சுரங்கப்பாதைகளில் இருக்கும் எலிகளை ஒப்பிட்டுப் பல நகைச்சுவையான கருத்துகளைப் பதிவிட்டுள்ளனர். “நியூயார்க் எலியாக இருந்தால் இந்த இரண்டு எலிகளையும் அடித்துத் துரத்தியிருக்கும்” என்றும், “அமெரிக்காவில் உள்ள பூனை அளவிலான எலிகளுடன் ஒப்பிடும்போது, இங்கிருக்கும் சிறிய எலிகளின் சண்டை பார்க்க மிகவும் அழகாகவும் குறும்புத்தனமாகவும் இருக்கிறது” என்றும் பயனர்கள் வேடிக்கையாகப் பதிவிட்டு வருகின்றனர்.