தவெக-வில் இணையப் போகும் லீமா ரோஸ்…? எடப்பாடிக்கு செய்து கொடுத்த சத்தியம்… அதிர்ச்சியில் அதிமுக…!!

சென்னையில் நடைபெற்ற திருச்சி மாவட்ட அதிமுக நிர்வாகிகள் கூட்டத்தில் பேசிய லால்குடி தொகுதி எம்எல்ஏ லீமாரோஸ், தனக்கு வாய்ப்பளித்து எம்எல்ஏ ஆக்கிய அதிமுகவை எந்தச் சூழலிலும் விட்டுப் போக மாட்டேன் என்று திட்டவட்டமாகத் தெரிவித்துள்ளார். தமிழக வெற்றிக் கழகத்தின் முக்கிய நிர்வாகியும், அமைச்சருமான ஆதவ் அர்ஜுனாவின் மாமியாரான இவர், தவெக-வில் இணையப் போவதாக அரசியல் வட்டாரத்தில் பரவிய வதந்திகளுக்கு முற்றுப்புள்ளி வைக்கும் வகையில் இந்த முக்கிய அறிவிப்பை வெளியிட்டுள்ளார்.

தொடர்ந்து பேசிய லீமாரோஸ், கட்சியின் வளர்ச்சிக்கும், அதிமுகவின் தலைமைக்கும் தான் என்றும் உண்மையாக உழைப்பேன் என்றும், கட்சி நிர்வாகிகளுக்கு எப்போதும் உறுதுணையாக இருப்பேன் என்றும் நெகிழ்ச்சியுடன் குறிப்பிட்டார். தவெக மற்றும் அதிமுக ஆகிய இரு வேறு அரசியல் துருவங்களாகத் திகழும் கட்சிகளில் ஒரே குடும்பத்தைச் சேர்ந்த மருமகனும் மாமியாரும் மக்கள் பிரதிநிதிகளாக உள்ள நிலையில், லீமாரோஸ் தனது அரசியல் விசுவாசத்தை அதிமுகவின் பக்கமே தற்போதைக்கு உறுதிப்படுத்தியுள்ளார்.