Breaking: மின்வாரிய ஊழியர்களின் சம்பளம் உயர்ந்தது… தமிழக அரசு சூப்பர் அறிவிப்பு..!!!

தமிழக மின்வாரியத்தில் பணிபுரியும் ஒப்பந்த ஊழியர்களின் சம்பளத்தை உயர்த்தி தமிழக அரசு புதிய உத்தரவு ஒன்றைப் பிறப்பித்துள்ளது. மின்சார வாரியப் பணிகளில் ஈடுபட்டுள்ள தற்காலிக மற்றும் ஒப்பந்தத் தொழிலாளர்களின் நலனைக் கருத்தில் கொண்டு இந்த முக்கிய அறிவிப்பு வெளியிடப்பட்டுள்ளது.

இந்த புதிய அறிவிப்பின்படி, ஒப்பந்ததாரர்களுக்கு வழங்கப்பட்டு வந்த ஒரு நாளுக்கான சம்பளம் ரூ.965-ல் இருந்து ரூ.1,324 ஆக உயர்த்தப்பட்டுள்ளது. அதேபோல, இந்த ஒப்பந்ததாரர்கள் மூலம் நேரடியாகப் பணியமர்த்தப்படும் வெளிப்படையான ஊழியர்களுக்கான தினசரி ஊதியம் ரூ.766-ல் இருந்து ரூ.965 ஆக உயர்த்தி அறிவிக்கப்பட்டுள்ளது.

மின்வாரிய ஒப்பந்த ஊழியர்கள் தங்களைத் தற்காலிகப் பணியிலிருந்து விடுவித்து, பணி நிரந்தரம் செய்ய வேண்டும் என்று கோரி தொடர்ந்து பல்வேறு போராட்டங்களை நடத்தி வருகின்றனர். ஊழியர்களின் இந்தத் தொடர் போராட்டங்களுக்கு மத்தியில், அவர்களின் பொருளாதார வாழ்வாதாரத்தை உயர்த்தும் வகையில் இந்தச் சம்பள உயர்வு குறித்த அறிவிப்பு வெளியாகியுள்ளது.