“பக்கத்துல கேப் இருந்தா சொல்லுங்க அண்ணா… நானும் கடை போட்டுடுறேன்…!” சோலே குல்சா வியாபாரியின் பதிலைக் கேட்டு ஷாக்கான பெண்..! வைரல் வீடியோ..!!

டெல்லியில் தெருவோரம் ‘சோலே குல்சா’ வியாபாரம் செய்யும் ஒருவரிடம், பெண் ஒருவர் அவரது மாத வருமானம் குறித்துக் கேட்ட வீடியோ இணையத்தில் பெருமளவில் வைரலாகி வருகிறது. கோமல் நெகி என்பவரால் தனது இன்ஸ்டாகிராம் பக்கத்தில் பகிரப்பட்ட இந்த வீடியோ, தெருவோர வியாபாரிகளின் வருமானம் குறித்த மக்களின் பொதுவான எண்ணத்தை மாற்றும் வகையில் அமைந்துள்ளது.

அந்த வீடியோவில், கழுத்தில் தடிமனான தங்கச் சங்கிலி அணிந்திருக்கும் அந்த வியாபாரியிடம், அவர் ஒரு நாளைக்கு எவ்வளவு சம்பாதிக்கிறார் என்று கேட்கப்படுகிறது. அதற்கு அவர், தான் ஒரு நாளைக்குச் சுமார் ரூ.5,000 வீதம் மாதத்திற்குச் சுமார் ரூ.1.5 லட்சம் வரை ஈட்டுவதாகக் கூறுகிறார். இதைக் கேட்டு அதிர்ச்சியடைந்த அந்தப் பெண், தனது கார்ப்பரேட் சம்பளத்தை விட அந்த வியாபாரியின் வருமானம் அதிகமாக இருப்பதைக் கண்டு வியப்படைகிறார்.

https://www.instagram.com/reel/DasxsCltKog/?utm_source=ig_web_button_share_sheet

வியாபாரியின் பதிலைக் கேட்டு வியந்த அந்தப் பெண், தனது சம்பளம் இதைவிட மிகக் குறைவு என்பதால் அதை வெளியில் சொல்லவே தயக்கமாக இருப்பதாக நகைச்சுவையாகக் கூறுகிறார். மேலும், “எனக்கும் சோலே குல்சா செய்யத் தெரியும், உங்கள் கடைக்கு அருகிலேயே நானும் ஒரு கடை போட்டுக்கொள்ளவா? அல்லது உங்கள் தொழிலில் பார்ட்னராக மாறவா?” என்று செல்லமாக வினவும் காட்சி இணையவாசிகளின் கவனத்தை ஈர்த்து வருகிறது.