“அந்த டாக்டர் என்கிட்ட” சிகிச்சைக்கு வந்த பெண்ணின் கதறல்… மருத்துவர் செஞ்ச அசிங்கம்… மனநல சிகிச்சைக்கு போனவருக்கு இந்த நிலைமையா..? கொந்தளிக்கும் இணையவாசிகள்..!!!

கேரள மாநிலம் கண்ணூர் மாவட்டம் பய்யன்னூரில் இயங்கி வரும் ‘ஆரோக்யா வெல்னஸ்’ என்ற சிகிச்சை மையத்தில், பிசியோதெரபிஸ்ட்டாக பணிபுரிந்து வந்த சரத் நம்பியார் என்பவர், சிகிச்சைக்கு வந்த இளம்பெண் ஒருவரை பாலியல் பலாத்காரம் செய்ய முயன்ற அதிர்ச்சி சம்பவம் வெளிச்சத்திற்கு வந்துள்ளது. கடந்த 2025ஆம் ஆண்டு மார்ச் மாதம் இந்தத் துயரச் சம்பவம் நடைபெற்றுள்ளது.

இந்தச் சம்பவத்திற்குப் பிறகு கடுமையான மன உளைச்சலுக்கு ஆளான அந்தப் பெண், தனது பாதிப்பிலிருந்து மீள முடியாமல் தவித்து வந்துள்ளார். இதற்காக அவர் எடுத்துக்கொண்ட ஒரு மனநல ஆலோசனை அமர்வின் போது, சிகிச்சை மையத்தில் தனக்கு நேர்ந்த கொடூரத்தை அழுதுகொண்டே வெளிப்படுத்தியுள்ளார். இதனைத் தொடர்ந்து, பாதிக்கப்பட்ட பெண் பய்யன்னூர் காவல் நிலையத்தில் அளித்த அதிகாரப்பூர்வ புகாரின் அடிப்படையில், போலீசார் பிசியோதெரபிஸ்ட் சரத் நம்பியாரைக் கைது செய்தனர்.

போலீசாரின் தீவிர விசாரணையில், கைதான சரத் நம்பியார் இதற்கு முன்பும் இதேபோன்று மற்றொரு இளம்பெண்ணிடம் பாலியல் ரீதியாகத் தவறாக நடந்துகொண்ட வழக்கில் ஏற்கனவே கைது செய்யப்பட்டவர் என்ற அதிர்ச்சித் தகவல் தெரியவந்துள்ளது. பெண்களின் பாதுகாப்பை கேள்விக்குறியாக்கும் வகையில் அடுத்தடுத்து பாலியல் அத்துமீறல்களில் ஈடுபட்டு வந்த இந்த பிசியோதெரபிஸ்ட் மீது போலீசார் தற்போது கடுமையான பிரிவுகளின் கீழ் வழக்குப் பதிவு செய்து விசாரித்து வருகின்றனர்.