“பணத்தை பிடுங்கிட்டு பிணத்தைக் கொடுத்துட்டாங்க..” 7 நாட்களில் 7 லட்சம் வசூல்… தரமற்ற மருந்துகளால் பறிபோன உயிர்..? மருத்துவமனை கதவடைத்து உறவினர்கள் விடிய விடிய போராட்டம்..!!

உத்தரப் பிரதேச மாநிலம் மீரட் நகரின் சாகேத் பகுதியில் உள்ள பிரபல மருத்துவமனை ஒன்றில், ஹர்ரா கிராமத்தின் முன்னாள் கிராமத் தலைவர் தைய்யப் என்பவரின் மறைவைத் தொடர்ந்து அவரது குடும்பத்தினர் பெரும் போராட்டத்தில் ஈடுபட்டனர். மூளை ரத்தக் கசிவு சிகிச்சைக்காக அனுமதிக்கப்பட்டிருந்த அவர் உயிரிழந்த நிலையில், மருத்துவமனையின் முறையற்ற சிகிச்சையே காரணம் என்று குடும்பத்தினர் குற்றம் சாட்டினர்.

சிகிச்சைக்காக வெறும் 7 நாட்களில் 7 லட்சம் ரூபாய் வசூலிக்கப்பட்டதாகவும், தரமற்ற மருந்துகள் பயன்படுத்தப்பட்டதாகவும் அவர்கள் கடும் குற்றச்சாட்டுகளை முன்வைத்தனர். இதனால் மருத்துவமனை வளாகத்தில் கடுமையான சலசலப்பும் பரபரப்பும் ஏற்பட்டது.

இந்தச் சம்பவத்தின் தீவிரத்தை உணர்ந்து, எம்.எல்.ஏ குலாம் முகமது உடனடியாக சம்பவ இடத்திற்கு வருகை தந்து நிலைமையை விசாரித்தார். பாதிக்கப்பட்ட குடும்பத்தினருடன் பேச்சுவார்த்தை நடத்தப்பட்டதை அடுத்து, மருத்துவமனை நிர்வாகம் தனது தவறை ஏற்றுக்கொண்டு மன்னிப்பு கோரியது.