இணையத்தையே நெகிழ வைத்த சம்பவம்… பேச முடியாத ஆட்டிசம் மகனுக்காகக் கையில் ‘கீபோர்டை’ டாட்டூ குத்திய தாய்… அம்மாவின் கையைத் தொட்டு 11 வயது சிறுவன் செய்த செயல்… உலகளவில் குவியும் பாராட்டு..!!

கனடாவைச் சேர்ந்த ஜெசிகா பிளெட்சர் என்ற தாய், ஆட்டிசம் குறைபாட்டால் பேச முடியாத தனது 11 வயது மகன் ஹண்டருக்காகத் தனது கையில் ‘கீபோர்டு’ வடிவத்தைத் பச்சை குத்திக்கொண்டுள்ள நெகிழ்ச்சியானச் செய்தி தற்பொழுது இணையத்தில் வைரலாகி வருகிறது. ஹண்டர் தனது கருத்துக்களை வெளிப்படுத்த என்ற மின்னணுத் தொடுதிரை சாதனத்தைப் பயன்படுத்தி வந்துள்ளார். ஒருமுறை உணவகத்தில் சாப்பிட்டுக் கொண்டிருந்தபோது அந்தச் சாதனத்தின் பேட்டரி தீர்ந்துபோனதால், மாற்று வழியைக் யோசித்த சிறுவன், அங்கிருந்த ஒரு பேப்பர் நாப்கினில் கீபோர்டு வடிவத்தை வரைந்து அதன் எழுத்துக்களைத் தொட்டுக் காட்டித் தனக்கு வேண்டிய உணவை ஆர்டர் செய்துள்ளான்.

மகனின் இந்தத் திறமையைக் கண்டு வியந்த ஜெசிகா, தொழில்நுட்பம் ஒருவேளை கைவிட்டாலும் மகனின் குரல் என்றும் முடங்கிவிடக் கூடாது என்பதற்காக, ஒரு டாட்டூ கலைஞர் மூலம் தனது முன்கையில் ஆங்கில எழுத்துக்கள் அடங்கிய விசைப்பலகையை நிரந்தரமாகப் பச்சை குத்திக்கொண்டார். இந்த டாட்டூவில் எழுத்துக்களுடன் சேர்த்து மகிழ்ச்சி, சோகம் மற்றும் அன்பை வெளிப்படுத்தும் எமோஜிகளும் இடம்பெற்றுள்ளன. இந்த டாட்டூவை முதன்முதலில் பார்த்த அந்தச் சிறுவன், உடனடியாகத் தாயின் கையில் இருக்கும் எழுத்துக்களைத் தொட்டு “மாமா” என்று தனது முதல் வார்த்தையை டைப் செய்து நெகிழ வைத்துள்ளான்.

இந்த டாட்டூ முறை அவர்களுக்குப் பொது இடங்களில் மற்றவர்களின் கவனம் ஈர்க்காமல் தங்களுக்குள் ரகசியமாகப் பேசிக்கொள்ளும் தனிமையையும் தந்துள்ளது. இதுதொடர்பான வீடியோ பேஸ்புக்கில் வெளியாகி 20 லட்சத்திற்கும் அதிகமான லைக்குகளைப் பெற்று உலகளவில் வைரலாகி வருகிறது. இந்த ஐடியாவால் ஈர்க்கப்பட்ட ஹண்டரின் பள்ளி நண்பர்கள், அவனுடன் விளையாடும்போது பேச ஏதுவாகத் தங்களது சட்டைகளின் சட்டைக் கைகளில் கீபோர்டு டிசைன்களை அச்சிட்டுக் கொள்ளத் தொடங்கியுள்ளனர். மேலும், உலகெங்கிலும் உள்ள மருத்துவர்கள், முதலுதவிப் பணியாளர்கள் மற்றும் பிற பெற்றோர்களும் இந்த எளிய மாற்றுத் தகவல் தொடர்பு முறையைப் பாராட்டிக் கவனித்து வருகின்றனர்.