ஒரே நாளில் ஆட்டம் கண்ட தவெக கோட்டை… ஆளுநரிடம் ஒன்று திரண்டு ஸ்கெட்ச் போட்ட அதிமுக + திமுக + பாஜக.. அரசியல் வட்டாரத்தில் பரபரப்பு…!!

தமிழக வெற்றிக் கழக அரசுக்கு எதிராக திமுக, அதிமுக, பாஜக ஆகிய முக்கிய எதிர்க்கட்சிகள் அனைத்தும் ஒரே நாளில் ஆளுநரிடம் புகார் மனுக்களை அளித்துள்ள சம்பவம் தமிழக அரசியல் வட்டாரத்தில் பெரும் பரபரப்பை ஏற்படுத்தியுள்ளது. தவெக எம்.எல்.ஏ-க்களைக் குதிரை பேர விவகாரத்தின் மூலம் இழுக்க முயன்றதாகக் கூறி, அதற்கு எதிர்ப்பு தெரிவித்து திமுக மற்றும் அதிமுக ஆகிய இரு கட்சிகளும் கவர்னரிடம் தனித்தனியே மனுக்களை அளித்துள்ளன. அதே வேளையில், உயர் கல்வித்துறை அமைச்சர் பள்ளி மாணவி ஒருவரிடம் அநாகரிகமாக நடந்து கொண்டதாகக் குற்றம்சாட்டி, அதற்கு உரிய நடவடிக்கை எடுக்கக் கோரி பாஜக தரப்பிலும் ஆளுநரிடம் புகார் அளிக்கப்பட்டுள்ளது.

இவற்றுடன், அதிமுக சட்டமன்ற உறுப்பினர்கள் ராஜினாமா செய்த தொகுதிகளில் தற்போதைக்கு இடைத்தேர்தல் எதையும் நடத்தக் கூடாது என்று வலியுறுத்தி, இந்தியத் தேர்தல் ஆணையத்தை நாடவும் அதிமுக திட்டமிட்டுள்ளதாகத் தெரிகிறது. தமிழகத்தில் விஜய் தலைமையிலான தவெக அரசு அமைந்து, சட்டம் ஒழுங்கு உள்ளிட்ட பல்வேறு விவகாரங்களில் எதிர்க்கட்சிகள் தொடர்ந்து விமர்சித்து வரும் நிலையில், பிரதான எதிர்க்கட்சிகள் அனைத்தும் கைகோர்த்து ஒரே நாளில் ஆளுநரைச் சந்தித்துப் புகார் அளித்துள்ளது தவெக அரசுக்கு அரசியல் ரீதியாகப் பெரும் நெருக்கடியை ஏற்படுத்தியுள்ளது.