அதிமுகவில் அடுத்த மெகா அதிர்ச்சி..!! மேலும் 7 எம்.எல்.ஏ-க்கள் தவெகவுக்குத் தாவல்..? விரைவில் 12 தொகுதிகளுக்கு இடைத்தேர்தல்..!

தமிழக அரசியல் களத்தில் அதிமுகவைச் சேர்ந்த மேலும் 7 சட்டமன்ற உறுப்பினர்கள் தங்களது பதவிகளை ராஜினாமா செய்ய முடிவு செய்துள்ளதாக வெளியாகி இருக்கும் தகவல் பெரும் பரபரப்பைக் கிளப்பியுள்ளது. இவ்வாறு ராஜினாமா செய்யும் எம்.எல்.ஏ-க்கள் அனைவரும் தமிழக வெற்றிக் கழகத்தில் (தவெக) இணையப் போவதாக அரசியல் வட்டாரங்கள் தெரிவிக்கின்றன. பொதுத்தேர்தல் முடிவுகள் வெளியாகி இரண்டு மாதங்கள் கூட நிறைவடையாத சூழ்நிலையில், அடுத்தடுத்து அரங்கேறி வரும் எம்.எல்.ஏ-க்களின் இந்த அதிரடி ராஜினாமாக்கள் ஆளும் தவெக மற்றும் எதிர்க்கட்சியினரிடையே அதிர்வலைகளை ஏற்படுத்தியுள்ளது.

இந்த அடுத்தடுத்த திருப்பங்களால் தமிழகத்தில் விரைவில் மொத்தம் 12 சட்டமன்றத் தொகுதிகளுக்கு இடைத்தேர்தல் நடத்தப்பட வேண்டிய சூழல் உருவாகும் என்று அதிமுக மூத்த தலைவர் ஆர்.பி. உதயகுமார் தெரிவித்துள்ளார். சட்டமன்ற உறுப்பினர்களைத் தக்கவைத்துக் கொள்ளவும், தவெகவின் பலத்தைப் பெருக்கவும் திரைமறைவில் நடக்கும் இந்த அதிரடி அரசியல் நகர்வுகள், வரும் நாட்களில் தமிழகத்தில் ஒரு மினி பொதுத்தேர்தல் களம் உருவாவதையே காட்டுவதாக அரசியல் விமர்சகர்கள் கருதுகின்றனர்.