மதுப்பிரியர்களுக்கு விழுந்த பேரிடி..! இனி அனைத்து பண்டிகை நாட்களில் டாஸ்மாக் ஓபன் கிடையாது.? தமிழக அரசின் அதிரடி முடிவு..!!

பண்டிகை நாட்கள் மற்றும் அதற்கு முந்தைய நாட்களில் டாஸ்மாக் மதுபானக் கடைகளுக்கு விடுமுறை அளிக்கத் தமிழக அரசு திட்டமிட்டுள்ளதாகத் தகவல்கள் வெளியாகியுள்ளன. பண்டிகைக் காலங்களில் பொதுமக்கள் அதிக அளவில் கூடுவதால் ஏற்படும் சட்டம்-ஒழுங்கு பிரச்சினைகள் மற்றும் அசம்பாவிதங்களைத் தடுக்கும் நோக்கில் இந்த முக்கிய நடவடிக்கை எடுக்கப்படவுள்ளதாகக் கூறப்படுகிறது.

தற்போதைய நடைமுறைப்படி, தமிழகத்தில் குடியரசு தினம், சுதந்திர தினம், காந்தி ஜெயந்தி உள்ளிட்ட ஆண்டுக்கு 8 முக்கிய நாட்களுக்கு மட்டுமே டாஸ்மாக் கடைகளுக்கு அரசு விடுமுறை அளிக்கப்படுகிறது. ஆனால் தீபாவளி, பொங்கல் போன்ற முக்கியப் பண்டிகை நாட்களிலும், அதற்கு முந்தைய நாட்களிலும் மதுபானக் கடைகள் வழக்கம்போல் செயல்பட்டு வருகின்றன.

இந்நிலையில், பண்டிகை தினங்களிலும் அதற்கு முந்தைய நாட்களிலும் மது விற்பனையை நிறுத்துவது குறித்து அரசு தீவிரமாக ஆலோசித்து வருவதாகப் பேசப்படுகிறது. இந்த முடிவு அமல்படுத்தப்பட்டால், அது மதுப்பிரியர்கள் மத்தியில் அதிர்ச்சியையும், பொதுமக்கள் மற்றும் சமூக ஆர்வலர்கள் மத்தியில் வரவேற்பையும் ஏற்படுத்தும் என எதிர்பார்க்கப்படுகிறது; எனினும் இதுகுறித்துத் தமிழக அரசு சார்பில் அதிகாரப்பூர்வ அறிவிப்பு எதுவும் இதுவரை வெளியிடப்படவில்லை.