வழக்கறிஞர் To கோடீஸ்வரர்..!. ஒரு பென்டிரைவால் அம்பலமான கொடூர முகம்… யார் இந்த ஜெம் கிரானைட்ஸ் வீரமணி..??

இந்தியாவின் கிரானைட் உலகையே ஒரு காலத்தில் தன் கட்டுப்பாட்டில் வைத்திருந்த பிரபல தொழிலதிபரும், ஆயிரக்கணக்கான தொழிலாளர்களின் முதலாளியுமான ஜெம் கிரானைட்ஸ் நிறுவனத்தின் நிறுவனர் ஆர். வீரமணி, தற்போது சிறுமி மீதான போக்சோ வழக்கில் சிக்கி சிறையில் அடைக்கப்பட்டிருப்பது பெரு அதிர்ச்சியை ஏற்படுத்தியுள்ளது. தொழில்துறையில் உச்சத்தில் இருந்த ஒருவருக்கு ஏற்பட்ட இந்த வீழ்ச்சியும், வழக்கில் வெளியாகும் அடுத்தடுத்த திடுக்கிடும் தகவல்களும் தமிழகத்தை உலுக்கியுள்ளன.

ஆரம்பத்தில் சட்டப்படிப்பு முடித்து சென்னை உயர்நீதிமன்றத்தில் வழக்கறிஞராகத் தன் பயணத்தைத் தொடங்கிய வீரமணி, 1971-ஆம் ஆண்டு கிரானைட் தொழிலுக்குள் நுழைந்தார். அந்த காலகட்டத்தில் பெரிதாகக் கண்டுகொள்ளப்படாத இத்துறையில் இருந்த பிரகாசமான வாய்ப்பை உணர்ந்து ‘ஜெம் கிரானைட்ஸ்’ நிறுவனத்தைத் தொடங்கினார். 1990-களில் கிரானைட் ஏற்றுமதியில் சர்வதேச அளவில் தடம் பதித்து, தொழில்துறையின் தவிர்க்க முடியாத செல்வாக்கு மிக்க மனிதராக அவர் உருவெடுத்தார்.

பல்வேறு வணிக மற்றும் வர்த்தக அமைப்புகளின் தலைவராக வலம் வந்து, பல நூறு கோடி மதிப்பிலான தொழிலை நிர்வகித்து வந்த வீரமணியின் வாழ்க்கையை, காவல் துறையினருக்குக் கிடைத்த ஒரு சிறிய ‘பென்டிரைவ்’ தலைகீழாக மாற்றிப் போட்டது. அந்த பென்டிரைவில் இடம்பெற்றிருந்த திடுக்கிடும் ஆதாரங்கள்தான் இந்த பெரும் பாலியல் வழக்கு வெளிச்சத்திற்கு வர முக்கியக் காரணமாக அமைந்தது.

கடந்த 2025 அக்டோபர் மாதத்தில், சென்னையைச் சேர்ந்த ஒருவர் காவல்துறையிடம் ஒப்படைத்த பென்டிரைவில் சிறுமிகள் பாலியல் வன்கொடுமைக்கு ஆளாக்கப்படும் வீடியோக்கள் இடம்பெற்றிருந்தன. தீவிர விசாரணையில் இறங்கிய காவல்துறையினர், அந்த வீடியோக்களில் இருக்கும் நபர் தொழிலதிபர் வீரமணி தான் என்பதைக் கண்டறிந்து அதிர்ச்சியடைந்தனர்.

இதன் தொடர்ச்சியாக, சென்னை தேனாம்பேட்டையில் வீரமணி வாடகைக்கு எடுத்திருந்த ஒரு சொகுசு வீட்டில் சாந்தி மற்றும் அவரது கணவர் மகேந்திர சிம்ஹன் ஆகியோர் உதவியுடன் சிறுமிகள் பாலியல் கொடுமைக்கு உள்ளாக்கப்பட்டது தெரியவந்தது. அங்கு நடத்தப்பட்ட சோதனைகளில் புகைப்படங்கள் உள்ளிட்ட வலுவான ஆதாரங்களை ஆதாரப்பூர்வமாகக் கைப்பற்றிய காவல்துறை, வீரமணி உட்பட அவருக்கு உடந்தையாக இருந்த தம்பதியரையும் அதிரடியாகக் கைது செய்து சிறையில் அடைத்தது.