எதிர்க்கட்சிகள் கொடுத்த செக்.. தவெக லிஸ்ட்டில் இருந்து தூக்கப்பட்ட வைகோ, திருமா.. அதிர்ச்சியில் கூட்டணி தலைவர்கள்..!!

தமிழக வெற்றிக் கழகத்தின் நட்சத்திரப் பேச்சாளர்கள் பட்டியலில் பிற கூட்டணிக் கட்சிகளின் தலைவர்கள் இடம்பெற்றது தொடர்பாக எழுந்த அரசியல் சர்ச்சையைத் தொடர்ந்து, அப்பட்டியலில் இருந்து வைகோ மற்றும் திருமாவளவன் உள்ளிட்ட முக்கியத் தலைவர்களின் பெயர்கள் அதிரடியாக நீக்கப்பட்டுள்ளன. தவெகவின் தேர்தல் பரப்புரைக்கான நட்சத்திரப் பேச்சாளர் பட்டியலில் கூட்டணிக் கட்சித் தலைவர்களின் பெயர்கள் சேர்க்கப்பட்டதற்குப் பல்வேறு தரப்பில் இருந்தும் கடும் எதிர்ப்புகளும் விவாதங்களும் கிளம்பின. இந்த அரசியல் சலசலப்பை அடுத்து, தவெக தரப்பில் புதிய பட்டியல் தயார் செய்யப்பட்டு முறைப்படி நடவடிக்கை எடுக்கப்பட்டுள்ளது.

இந்தச் சர்ச்சைக்கு முற்றுப்புள்ளி வைக்கும் வகையில், தேர்தல் ஆணையம் தவெகவின் புதிய நட்சத்திரப் பேச்சாளர்கள் பட்டியலை அதிகாரப்பூர்வமாக வெளியிட்டுள்ளது. இந்தப் புதிய திருத்தப்பட்ட பட்டியலில் இருந்து மதிமுக பொதுச்செயலாளர் வைகோ, விசிக தலைவர் தொல். திருமாவளவன், இந்திய யூனியன் முஸ்லிம் லீக் தலைவர் காதர் மொகிதீன் மற்றும் காங்கிரஸ் தலைவர் மாணிக்கம் தாகூர் ஆகியோரின் பெயர்கள் முழுமையாக நீக்கப்பட்டுள்ளன. தேர்தல் ஆணையத்தின் இந்த புதிய பட்டியல் வெளியீட்டின் மூலம், கடந்த சில நாட்களாக நீடித்து வந்த உள்கட்சி மற்றும் கூட்டணிக் குழப்பங்களுக்குத் தற்போது தற்காலிகத் தீர்வு கிடைத்துள்ளது.