“பிரிஞ்சது பிரிஞ்சதுதான்… இனி சேர்ந்து வாழ முடியாது..!” பொண்டாட்டி போட்ட கேஸை தூக்கி அடிச்ச உயர் நீதிமன்றம்..!!

உத்தரகாண்ட் உயர் நீதிமன்றம் விவாகரத்து தொடர்பான வழக்கு ஒன்றில் கணவனின் தரப்பு நியாயத்தை ஏற்றுக்கொண்டுள்ளது. இந்த வழக்கில், கணவன் தன் மீது நடத்தப்பட்ட மனரீதியான கொடுமைகளை நீதிமன்றத்தில் வெற்றிகரமாக நிரூபித்துள்ளார் என்று தெரிவித்த உயர் நீதிமன்றம், குடும்ப நீதிமன்றம் அளித்த விவாகரத்துத் தீர்ப்பை எதிர்த்து மனைவி தாக்கல் செய்த மேல்முறையீட்டு மனுவைத் தள்ளுபடி செய்து உத்தரவிட்டது. இந்த வழக்கு பஞ்சாப் மற்றும் ஹரியானா உயர் நீதிமன்றத்தில் கூடுதல் வழக்கறிஞராக பணியாற்றிய ஒரு வழக்கறிஞருக்குத் தொடர்புடையதாகும்.

டேராடூனில் உள்ள குடும்ப நீதிமன்றம், வழக்கறிஞர் கணவர் தாக்கல் செய்த மனுவைச் சரி என ஏற்றுக்கொண்டு ஏப்ரல் 5, 2024 அன்று விவாகரத்து வழங்கித் தீர்ப்பளித்தது. குடும்ப நீதிமன்றத்தின் இந்தத் தீர்ப்பை எதிர்த்து மனைவியின் சார்பில் உயர் நீதிமன்றத்தில் மேல்முறையீடு செய்யப்பட்டது. தலைமை நீதிபதி மனோஜ் குமார் குப்தா மற்றும் நீதிபதி சுபாஷ் உபாத்யாயா ஆகியோர் அடங்கிய அமர்வு இந்த வழக்கை விசாரித்தது. நீதிமன்றம் இரு தரப்பு வாதங்களையும் கேட்டு, தொடர்புடைய அனைத்துச் சான்றுகளையும் பரிசீலித்த பிறகு, மனைவி தாக்கல் செய்த மேல்முறையீட்டு மனுவைத் தள்ளுபடி செய்தது.

வழக்கறிஞர் கணவருக்குச் சாதகமாக நீதிமன்றம் தீர்ப்பளித்தபோதிலும், அவர்களின் மைனர் மகளின் கல்விச் செலவுக்காக ரூ.70 லட்சமும், மனைவிக்கு நிரந்தர ஜீவனாம்சமாக ரூ.40 லட்சமும் வழங்க வேண்டும் என்று உத்தரவிட்டுள்ளது. இந்தத் தம்பதியினருக்கு மார்ச் 3, 2014 அன்று திருமணம் நடைபெற்றது. அடுத்த ஆண்டே அவர்களுக்கு ஒரு பெண் குழந்தை பிறந்த நிலையில், தம்பதியிடையே ஏற்பட்ட கருத்து வேறுபாடு காரணமாக ஏப்ரல் 2016-ல் இருவரும் பிரிந்தனர். ஆறு மாத கால முயற்சிக்குப் பிறகும் உறவில் எவ்வித முன்னேற்றமும் ஏற்படாததால், நவம்பர் 2016-ல் கணவர் கொடுமை மற்றும் கைவிடுதல் ஆகியவற்றை அடிப்படையாகக் கொண்டு இந்து திருமணச் சட்டத்தின் கீழ் குடும்ப நீதிமன்றத்தில் வழக்குத் தொடர்ந்தார். 8 ஆண்டுகள் நீடித்த இந்த வழக்கில் இரு தரப்பு வாதங்களையும் கேட்டறிந்த குடும்ப நீதிமன்றம், 2024-ல் விவாகரத்து வழங்கித் தீர்ப்பளித்திருந்தது.