ஒரு பெண் இயக்குநர் இயக்கும் இந்தியாவின் மிகப்பெரிய பட்ஜெட் படம்…ரிலீஸ் தேதியை திடீரென மாற்றிய யாஷ்…டாக்ஸிக் ரிலீஸ் தேதியால் ஏமாற்றமடைந்த ரசிகர்கள்… தற்போது வெளியான அந்த ‘மாஸ்’ அப்டேட்…!

கே.ஜி.எஃப் திரைப்படங்களின் பிரம்மாண்ட வெற்றிக்குப் பிறகு, கன்னட திரையுலகின் முன்னணி நட்சத்திரமான யாஷ் நடிப்பில் உருவாகி வரும் அடுத்த பிரம்மாண்ட பான் இந்தியத் திரைப்படம் ‘டாக்ஸிக்’ (Toxic). இப்படத்தின் வெளியீட்டுத் தேதிக்காக ஒட்டுமொத்த இந்திய சினிமா ரசிகர்களும் ஆவலோடு காத்துக்கொண்டிருந்த நிலையில், தற்போது இப்படத்தின் புதிய ரிலீஸ் தேதியைத் தயாரிப்பு நிறுவனம் அதிகாரப்பூர்வமாக அறிவித்துள்ளது. இந்த அதிரடி அறிவிப்பு யாஷ் ரசிகர்கள் மத்தியில் பெரும் உற்சாகத்தையும், கொண்டாட்டத்தையும் ஏற்படுத்தியுள்ளது.

பிரபல மலையாள இயக்குநர் கீத்து மோகன்தாஸ் இயக்கி வரும் இத்திரைப்படத்திற்கு, அவரது கணவரும் பிரபல ஒளிப்பதிவாளருமான ராஜீவ் மேனன் ஒளிப்பதிவு செய்கிறார். கே.ஜி.எஃப் படங்களுக்கு இசையமைத்த ரவி பஸ்ரூர் இந்த படத்திற்கும் இசையமைக்கிறார். இப்படத்தில் யாஷுடன் இணைந்து நயன்தாரா, கியாரா அத்வானி, ருக்மணி வசந்த் உள்ளிட்ட பல முன்னணி நட்சத்திரங்கள் முக்கிய கதாபாத்திரங்களில் நடித்துள்ளனர். முதலில் கடந்த மார்ச் மாதமே வெளியாகும் என எதிர்பார்க்கப்பட்ட இத்திரைப்படம், தயாரிப்புப் பணிகளில் ஏற்பட்ட தாமதம் மற்றும் சில காரணங்களால் ஜூன் 4-ஆம் தேதிக்கு ஒத்திவைக்கப்பட்டு, பின்னர் அந்த வெளியீடும் தள்ளிப்போனது குறிப்பிடத்தக்கது.

பல்வேறு எதிர்பார்ப்புகளுக்கு மத்தியில், ‘டாக்ஸிக்’ திரைப்படம் வரும் ஆகஸ்ட் 28-ஆம் தேதி உலகம் முழுவதும் மிகப்பிரம்மாண்டமாகத் திரையரங்குகளில் வெளியாகும் எனப் படக்குழுவினர் தற்போது உறுதிப்படுத்தியுள்ளனர். மிக அதிக பொருட்செலவில், சர்வதேசத் தரத்திலான தொழில்நுட்பக் கலைஞர்களுடன் உருவாகி வரும் இத்திரைப்படம், கதை அம்சத்திலும் மிரட்டலாக இருக்கும் எனக் கூறப்படுகிறது. மேலும், ஒரு பெண் இயக்குநர் இயக்கும் இந்தியாவின் மிகப்பாரிய பட்ஜெட் பான் இந்தியத் திரைப்படம் இது என்பதால், கோலிவுட் முதல் பாலிவுட் வரை இப்படத்திற்கான எதிர்பார்ப்பு நாளுக்கு நாள் எகிறி வருகிறது