அப்படியே தனுஷ்… அச்சு அசலாக மாறிய மகன்…16-வது பிறந்தநாளில் தனுஷ் மகனைப் பார்த்த பொதுமக்கள் சொன்ன ‘அந்த’ ஒரு வார்த்தை…விவாகரத்துக்குப் பின் திருவண்ணாமலையில் நடந்த நெகிழ்ச்சிச் சம்பவம்…!

சூப்பர் ஸ்டார் ரஜினிகாந்தின் மூத்த மகளான ஐஸ்வர்யாவும், நடிகர் தனுஷும் கடந்த சில வருடங்களுக்கு முன்பு தங்களுக்குள் ஏற்பட்ட மனஸ்தாபம் காரணமாகச் சட்டப்பூர்வமாக விவாகரத்து பெற்றுப் பிரிந்தனர். ‘காதல் கொண்டேன்’ திரைப்படத்தில் தனுஷின் நடிப்பைப் பார்த்துப் பாராட்டியதில் தொடங்கிய இவர்களது நட்பு, பின்னர் காதலாக மாறி, பெற்றோரின் சம்மதத்துடன் திருமணத்தில் முடிந்தது. கோலிவுட்டின் நட்சத்திர ஜோடியாக வலம் வந்த இவர்களுக்கு இரண்டு மகன்கள் உள்ளனர். விவாகரத்துப் பெற்றுத் தனித்தனி பாதைகளில் தங்களது திரையுலகப் பயணத்தைத் தொடர்ந்தாலும், மகன்களின் எதிர்காலத்திற்காக ‘கோ-பேரண்டிங்’ (Co-parenting) முறையில் அவர்களை இருவருமே மிகவும் பொறுப்புடன் வளர்த்து வருகின்றனர்.

விவாகரத்திற்குப் பிறகு தனுஷ் மற்றும் ஐஸ்வர்யா ஆகிய இருவருமே தங்களது கரியரில் பிஸியாக இருந்து வருகின்றனர். ஐஸ்வர்யா தனுஷை வைத்து ‘3’ மற்றும் கௌதம் கார்த்திக்கை வைத்து ‘வை ராஜா வை’ ஆகிய படங்களை இயக்கியுள்ளார். தற்போது இவர்களது மகன்கள் வளர்ந்து பக்குவமடைந்துவிட்டதால், பெற்றோர் இருவரின் உணர்வுகளுக்கும் மதிப்பு கொடுத்து, அவர்களுக்கு முழு ஒத்துழைப்பு வழங்கி வருகின்றனர். இதனால் எவ்விதப் பெரிய குடும்பப் பிரச்சினைகளும் இன்றி, மகன்களின் வளர்ப்பில் தனுஷும் ஐஸ்வர்யாவும் தங்களது கடமைகளைச் சரியாகப் பகிர்ந்து செய்து வருகின்றனர்.

இந்நிலையில், தனுஷ் – ஐஸ்வர்யா தம்பதியின் இரண்டாவது மகனான லிங்கா இன்று தனது 16-வது பிறந்தநாளைக் கொண்டாடி வருகிறார். மகனின் பிறந்தநாளையொட்டி ஐஸ்வர்யா ரஜினிகாந்த், அவரைத் திருவண்ணாமலை அண்ணாமலையார் கோயிலுக்கு அழைத்துச் சென்று சிறப்புச் சாமி தரிசனம் செய்துள்ளார். அங்கு நடந்து வந்த லிங்காவைப் பார்த்த அங்கிருந்த பொதுமக்களும் ரசிகர்களும், அவர் அச்சு அசலாகத் தனுஷின் நடை, உடை மற்றும் பாவனைகளை (Mannerism) அப்படியே உரித்து வைத்திருப்பதாக வியப்புடன் பேசிக் கொண்டனர். இணையத்திலும் தனுஷின் ரசிகர்கள் லிங்காவின் புகைப்படங்களைப் பகிர்ந்து தங்களது பிறந்தநாள் வாழ்த்துகளைத் தெரிவித்து வருகின்றனர்.