CINEMA
“என்னை மிஷ்கின் தவறாகத் தொட்டாரா..?” கொந்தளித்த கீர்த்தி சுரேஷ் கொடுத்த காட்டமான பதிலடி… வாயடைத்துப் போன நெட்டிசன்கள்..!!
தமிழ் மற்றும் தெலுங்கு சினிமாவில் பிஸியாக நடித்து வரும் நடிகை கீர்த்தி சுரேஷ், அறிமுக இயக்குனர் பிரவீன் இயக்கத்தில் மிஷ்கினுடன் இணைந்து நடித்துள்ள ‘சத்தியவான் சாவித்திரி’ திரைப்படம் நாளை வெளியாக உள்ளது. இப்படத்தின் பத்திரிக்கையாளர் சந்திப்பு அண்மையில் நடைபெற்றபோது, ‘டோரதி’ படத்தில் நடித்ததற்காகக் கீர்த்தி சுரேஷிற்குத் தங்க மோதிரம் பரிசளித்து அவரைப் பற்றி மிஷ்கின் பெருமையாகப் பேசினார். அப்போது, எதிர்பாராத விதமாக மிஷ்கினின் கை கீர்த்தி சுரேஷின் காலில் பட, கீர்த்தியும் அதை கவனித்துத் தன் கையை அங்கு கொண்டு சென்றார்; அதற்குள் மிஷ்கின் தனது கையை எடுத்துக்கொண்டார். இந்த வீடியோவைப் பார்த்த நெட்டிசன்கள் சிலர், மிஷ்கின் தவறாகத் தொட்டதாகவும், அதனைக் கீர்த்தி விரும்பவில்லை என்றும் சமூக வலைதளங்களில் சர்ச்சையைக் கிளப்பினர்.
இந்நிலையில், இந்த விமர்சனங்களுக்கு நடிகை கீர்த்தி சுரேஷ் தனது சமூக வலைதளப் பக்கத்தில் காட்டமான பதிலடி கொடுத்துள்ளார். “முதலில் எனது முகத்தில் உங்களுக்கு எங்கே அசௌகரியம் தெரிந்தது? நாங்கள் இரண்டு பேரும் தந்தை – மகள் போன்ற உறவைப் பகிர்ந்துகொள்கிறோம் என்று அவரும் நானும் மேடையிலேயே சொன்னது உங்கள் காதுகளுக்குக் கேட்கவில்லையா?” என அவர் கேள்வி எழுப்பியுள்ளார். தேவையில்லாமல் பரப்பப்படும் இந்த அவதூறுகளுக்கு முற்றுப்புள்ளி வைக்கும் விதமாகக் கீர்த்தி சுரேஷ் வெளியிட்டுள்ள இந்தப் பதிவு தற்போது இணையத்தில் வைரலாகி வருகிறது.
