“உயிரைக் காக்க 1.5 மணிநேரமே கெடு” அவசர உதவி தேவை… நள்ளிரவில் வெளியான த்ரிஷாவின் உருக்கமான பதிவு… • பதறும் ரசிகர்கள்…!!

பிரபல நடிகை த்ரிஷா, ‘யோஷி’ என்ற நாய்க்குட்டிக்கு அவசரமாக ரத்தம் தேவைப்படுவதாகத் தனது சமூக வலைதளப் பக்கத்தில் (Story) அவசரக் கோரிக்கை ஒன்றை விடுத்துள்ளார். தற்சமயம் அந்த நாய்க்குக் கால்நடை மருத்துவமனையில் தீவிர சிகிச்சை அளிக்கப்பட்டு வருகிறது. அதன் உயிரைக் காக்கக் குறைந்தபட்சம் 150 மில்லி லிட்டர் ரத்தம் அவசரமாகத் தேவைப்படுவதாக மருத்துவர்கள் தெரிவித்துள்ளனர்.

இந்த ரத்தத் தேவையைப் பூர்த்தி செய்யக்கூடிய தகுதியுள்ள நாய் வளர்ப்பவர்கள், அடுத்த 1.5 மணிநேரத்திற்குள் (ஒன்றரை மணி நேரம்) சம்பந்தப்பட்ட கால்நடை மருத்துவமனைக்கு விரைந்து வருமாறு த்ரிஷா கேட்டுக்கொண்டுள்ளார். அவசரச் சூழல் என்பதால் கால நேரத்தைக் கருத்தில் கொண்டு நாய் உரிமையாளர்கள் உடனடியாக உதவ முன்வருமாறு அந்தப் பதிவில் வலியுறுத்தப்பட்டுள்ளது.

உதவத் தயாராக இருப்பவர்கள் மற்றும் தகுதியான நாய்களை வைத்திருப்பவர்கள் உடனடியாக 63825 63046 என்ற அலைபேசி எண்ணைத் தொடர்புகொண்டு, தங்களது வருகையை உறுதிப்படுத்துமாறு அறிவுறுத்தப்பட்டுள்ளது. த்ரிஷாவின் இந்த மனிதநேயமிக்க அவசரப் பதிவு தற்சமயம் சமூக வலைதளங்களில் வேகமாகப் பகிரப்பட்டு வருகிறது.