விஜய் ஆண்டனி படத்தில் நடித்த சுவாசிகா…திருமணத்திற்குப் பின் சுவாசிகாவுக்குக் கிடைத்த மிகப்பெரிய அங்கீகாரம்…கண்களில் கண்ணீரோடு இதைச் சொல்கிறேன்… நடிகை சுவாசிகாவை உருகி உருகிப் பாராட்டிய கணவர் பிரேம் …!

இயக்குநர் சசி இயக்கத்தில், விஜய் ஆண்டனி மற்றும் சுவாசிகா நடிப்பில் நேற்று திரையரங்குகளில் வெளியான ‘நூறு சாமி’ திரைப்படம் ரசிகர்களிடையே மிகச்சிறந்த வரவேற்பைப் பெற்று வருகிறது. குடும்பக் கதைகளை எமோஷனலாகக் கையாளுவதில் வல்லவரான இயக்குநர் சசியின் முத்திரை இந்தப் படத்திலும் பதிவாகியுள்ளது. குறிப்பாக, படத்தில் முதன்மைக் கதாபாத்திரத்தில் நடித்துள்ள நடிகை சுவாசிகாவின் எதார்த்தமான நடிப்பு, தியேட்டருக்கு வரும் ரசிகர்களைப் பெரிதும் கவர்ந்து பாராட்டுக்களைக் குவித்து வருகிறது.

சுவாசிகாவின் இந்தத் திறமையான நடிப்பைக் கண்டு நெகிழ்ந்துபோன அவரது கணவரும் நடிகருமான பிரேம், சமூக வலைத்தளங்களில் வெளியிட்டுள்ள உணர்ச்சிபூர்வமான பதிவு தற்போது இணையத்தில் வைரலாகி வருகிறது. அந்தப் பதிவில், “என் வாழ்க்கையில் நான் பார்த்த மிகச் சிறந்த நடிப்புகளில் இதுவும் ஒன்று. ‘நூறு சாமி’ படத்தில் நீ ரசிகர்களை சிரிக்க வைத்தாய், அழ வைத்தாய், உணர்ச்சிவசப்பட வைத்தாய். இது உன் கேரியரில் மறக்க முடியாத ஒரு நடிப்பாக இருக்கும். கண்களில் கண்ணீருடன், பெருமிதமான புன்னகையோடு இதை சொல்கிறேன். உன்னை நினைத்து மிகவும் பெருமையாக இருக்கிறது” என மனைவியின் உழைப்பைக் கொண்டாடியுள்ளார்.

கணவரின் இந்த அன்பான பாராட்டுப் பதிவு ரசிகர்களை நெகிழ்ச்சியடையச் செய்துள்ளதோடு, சினிமா பிரபலங்கள் மற்றும் ரசிகர்கள் பலரும் சுவாசிகாவுக்குத் தங்களது வாழ்த்துகளைத் தெரிவித்து வருகின்றனர். ஏற்கனவே பல திரைப்படங்களில் தனது அசாத்திய திறமையை நிரூபித்துள்ள சுவாசிகாவுக்கு, இந்த ‘நூறு சாமி’ திரைப்படம் அவரது திரைப்பயணத்தில் மிக முக்கியமானதொரு மைல்கல்லாக அமையும் என்பதில் சந்தேகமில்லை. திரையில் சுவாசிகாவின் நடிப்பும், நிஜத்தில் அவரது கணவரின் ஆதரவும் தற்போது கோலிவுட் வட்டாரத்தில் ஹாட் டாபிக்காக மாறியுள்ளது.