சராசரி பெண்ணாக வாழ ஆசைப்பட்ட சோனா…நெருங்கிய நண்பரே இப்படி கூப்பிட்டார்…பணம் கேட்டால் படுக்கையா? சோனா பகிர்ந்த அந்த அதிர்ச்சி அனுபவம்… கோலிவுட்டில் பெரும் பரபரப்பு…!

தமிழ் சினிமாவில் முன்னணி கவர்ச்சி நடிகையாக வலம் வந்த சோனா, தற்போது யூடியூப் சேனல் ஒன்றிற்கு அளித்துள்ள பேட்டியில் திரையுலகின் இருண்ட பக்கம்குறித்து அதிரடியான கருத்துக்களைப் பகிர்ந்துள்ளார். தனக்குக் ‘கவர்ச்சி நடிகை’ என்ற பிம்பம் ஏற்பட்டுவிட்டதால், நிஜ வாழ்க்கையிலும் மக்கள் தன்னை அப்படித்தான் பார்க்கிறார்கள் என்று அவர் வேதனை தெரிவித்துள்ளார். ஒரு சராசரிப் பெண்ணாக, நல்லவனைத் திருமணம் செய்துகொண்டு மாமனார், மாமியார் மற்றும் குழந்தைகளோடு வாழ வேண்டும் என்று தான் ஆசைப்பட்டதாகவும், ஆனால் அந்தப் பெயரை மாற்றப் போராடியும் தோற்றுப்போனதால் தற்போது விரக்தி மனநிலைக்கு வந்துவிட்டதாகவும் அவர் கூறியுள்ளார்.

தனக்கு ஏற்பட்ட ஒரு கசப்பான அனுபவத்தைப் பகிர்ந்த சோனா, அவசரப் பணத்தேவைக்காகத் தனக்கு மிகவும் நெருக்கமான நண்பர் ஒருவரிடம் உதவி கேட்டபோது, அவர் குறிப்பிட்ட ஒரு ஹோட்டல் அறைக்கு வருமாறு அழைத்ததாகக் குற்றம் சாட்டியுள்ளார். நீ கேட்கும் பணத்தைத் தருகிறேன், அதற்கு இவ்வளவு வட்டி என்று கூறி, பண உதவிக்குக் கைமாறாகப் படுக்கைக்கு அழைப்பதே இன்று கவர்ச்சி நடிகைகளின் நிஜமான நிலைமையாக உள்ளது என அவர் வெளிப்படையாகப் போட்டு உடைத்துள்ளார். மேலும், சிறுவயது முதலே தான் உண்மையை மட்டுமே பேசி வந்ததால் பல கொடூரமான பிரச்சினைகளைச் சந்திக்க நேரிட்டதாகவும், சினிமா உலகில் வெளிப்படையாகப் பேசக்கூடாது என்பதைப் பின்னரே கற்றுக் கொண்டதாகவும் குறிப்பிட்டுள்ளார்.

இப்படிப் பல்வேறு தனிப்பட்ட மற்றும் சினிமா ரீதியான போராட்டங்களைச் சந்தித்த போதிலும், நடிகை சோனா தற்போது திரையுலகில் ஒரு புதிய பாய்ச்சலுக்குத் தயாராகி வருகிறார். ‘ஸ்மோக்’ (Smoke) என்ற புதிய வெப் தொடரை இயக்கி, இதன் மூலம் இயக்குனராக அவர் புதிய அவதாரம் எடுத்துள்ளார். சோனாவின் இயக்கத்தில் உருவாகியுள்ள இந்த வெப் தொடர் மிக விரைவில் வெளியாக உள்ள நிலையில், அவரது இந்தத் துணிச்சலான பேட்டியும், புதிய புதிய முயற்சிகளும் இணையத்தில் பெரும் விவாதத்தை ஏற்படுத்தியுள்ளன.