குஷியோ குஷி! பொதுமக்களுக்கு குட் நியூஸ்.. ஆதார் மையங்களுக்கு இனி செல்ல வேண்டாம்… அரசின் இலவச சலுகை அறிவிப்பு…!!

இந்திய தனித்துவ அடையாள ஆணையம் ஆதார் அட்டையில் மின்னஞ்சல் முகவரியை இலவசமாக புதுப்பிப்பதற்கான ஒரு புதிய அதிரடி சலுகையை அறிவித்துள்ளது. பொதுவாக இதற்கு வசூலிக்கப்படும் ₹75 சேவைக்கட்டணம் முழுமையாக ரத்து செய்யப்பட்டு, பயனர்கள் எந்தவொரு கட்டணமும் இன்றி தங்கள் மின்னஞ்சலை மாற்றிக்கொள்ள வழிவகை செய்யப்பட்டுள்ளது. இந்தச் சிறப்புச் சலுகை ஜூலை 1, 2026 முதல் டிசம்பர் 31, 2026 வரை மொத்தம் ஆறு மாத காலத்திற்கு நடைமுறையில் இருக்கும் எனத் தெரிவிக்கப்பட்டுள்ளது.

இந்த இலவசப் பலனைப் பெறுவதற்குப் பொதுமக்கள் புதிதாக மேம்படுத்தப்பட்ட அதிகாரப்பூர்வ ஆதார் மொபைல் செயலியை கூகுள் பிளே ஸ்டோர் அல்லது ஆப்பிள் ஆப் ஸ்டோரிலிருந்து பதிவிறக்கம் செய்து பயன்படுத்த வேண்டும். செயலியில் தங்களுக்கு விருப்பமான மொழியைத் தேர்வு செய்து, கைபேசி எண், OTP மற்றும் முக அங்கீகாரச் சரிபார்ப்பு ஆகியவற்றின் மூலம் ஆன்லைனில் மட்டுமே இந்த இலவசப் புதுப்பித்தலைச் செய்ய முடியும். நேரடியாக ஆதார் சேவை மையங்களுக்குச் சென்று புதுப்பித்தால் வழக்கமான கட்டணம் வசூலிக்கப்படும் என்பதால், ஆன்லைன் மோசடிகளைத் தவிர்க்கவும் பாதுகாப்பை மேம்படுத்தவும் இந்த வாய்ப்பைப் பொதுமக்கள் பயன்படுத்திக் கொள்ளுமாறு கேட்டுக்கொள்ளப்படுகிறார்கள்.