“மனிதநேயம் செத்துவிட்டதா..?” உயிருக்குப் போராடிய நோயாளி… காரில் தூக்கிட்டு ஓடிய பெண்.. மருத்துவமனையில் நடந்த பகீர் அலட்சியம்.. உலுக்கும் பின்னணி..!!

கிரேட்டர் நொய்டாவின் விஜய் நகரிலுள்ள உத்தம் மருத்துவமனையில் நேற்றிரவு நடந்த ஒரு மனிதாபிமானமற்ற சம்பவம், இன்றைய மருத்துவமனைகளின் அவசரச் சிகிச்சைச் சேவை என்பது பெயரளவில் மட்டுமே உள்ளதா என்ற அதிர்ச்சிகரமான கேள்வியை எழுப்பியுள்ளது. நேற்றிரவு கிரேட்டர் நொய்டாவில் உள்ள தனது வீட்டிற்கு காரில் சென்று கொண்டிருந்த மீனாட்சி என்பவர், வழியில் நடந்த ஒரு கோரமான விபத்தைக் கண்டுள்ளார். அதில் படுகாயமடைந்த நபரையும், அவரது நிலையைப் பார்த்து கதறி அழுது கொண்டிருந்த அவரது மனைவியையும் மீட்டு, மீனாட்சி உடனடியாகத் தனது காரிலேயே அருகில் இருந்த உத்தம் மருத்துவமனைக்கு அழைத்துச் சென்றுள்ளார்.

ஆனால், மிகவும் ஆபத்தான நிலையில் கொண்டு வரப்பட்ட அந்த விபத்துச் சந்தாளிக்குச் சிகிச்சை அளிக்கவோ அல்லது மருத்துவமனையில் அனுமதிக்கவோ அங்குள்ள ஊழியர்கள் யாரும் முன்வரவில்லை. இதனால் அதிர்ச்சியடைந்த அவர்கள், வேறு மருத்துவமனைக்குக் கொண்டு சென்றால் போக்குவரத்து நெரிசலில் சிக்கி உயிருக்கே ஆபத்தாகிவிடுமோ என்ற அச்சத்தில், மற்றொரு ஆம்புலன்ஸின் வருகைக்காக மருத்துவமனை வளாகத்திலேயே காத்திருக்க வேண்டிய அவல நிலை ஏற்பட்டது. உயிருக்குப் போராடும் நோயாளிகளுக்குக் கூட உடனடியாக முதலுதவி வழங்க மறுக்கும் தனியார் மருத்துவமனைகளின் இந்த அலட்சியப் போக்கு, அவசரச் சிகிச்சை வசதிகளின் உண்மை நிலையைத் தோலுரித்துக் காட்டியுள்ளது.