நான் திமுகவுக்கு துரோகம் செய்தேனா..? எல்லாமே உங்களுக்கு தெரியுமே.. கொந்தளித்த திருமாவளவன் .. கூட்டணி ரகசியத்தை உடைத்த விசிக..!!

விசிக தலைவர் திருமாவளவன் தனக்கும் திமுகவுக்குமான நட்பு மற்றும் கூட்டணி குறித்து முக்கியமான விளக்கங்களை முன்வைத்துள்ளார். ‘ஆட்சியிலும் அதிகாரத்திலும் பங்கு’ என்ற பெரும் அழைப்புகள் தங்களுக்கு வந்தபோதும், எத்தகைய நெருக்கடிச் சூழலிலும் தாங்கள் திமுக கூட்டணியை விட்டு விலகவில்லை என்பதை அவர் திட்டவட்டமாகத் தெளிவுபடுத்தியுள்ளார். தன் மீது வைக்கப்படும் விமர்சனங்களுக்குப் பதிலடி தரும் வகையில், தான் திமுகவுக்கு ஒருபோதும் துரோகம் இழைக்கவில்லை என்றும், தனது நட்பு எவ்வளவு தூய்மையானது என்பது அனைவருக்கும் நன்றாகத் தெரியும் என்றும் அவர் கேள்வி எழுப்பியுள்ளார்.

தொடர்ந்து பேசிய அவர், தமிழக வெற்றிக் கழகத்தை ஆதரிப்பது என்ற தங்களின் இறுதி முடிவை எடுப்பதற்கு முன்பாகக்கூட, அது குறித்து திமுக தலைமையிடம் முறைப்படி தெரிவித்துவிட்டே முடிவெடுத்தோம் என்று குறிப்பிட்டுள்ளார். இதன் மூலம் தங்களின் அரசியல் நகர்வுகள் அனைத்தும் வெளிப்படைத்தன்மையுடன் தான் இருக்கின்றன என்பதை அவர் உறுதிப்படுத்தியுள்ளார்.