செம டுவிஸ்ட்..! திமுகவுடன் எங்கள் நட்பு தொடர்கிறது… திடீர் பல்டி அடித்த திருமாவளவன்…!!!

திமுக மற்றும் விடுதலைச் சிறுத்தைகள் கட்சி இடையேயான அரசியல் உறவு குறித்து அக்கட்சியின் தலைவர் திருமாவளவன் முக்கிய விளக்கம் அளித்துள்ளார். தமிழக வெற்றிக் கழகத்தின் அமைச்சரவையில் இடம் பெறுவது போன்ற செய்திகள் வெளியானதாலேயே, தாங்கள் தவெக கூட்டணியில் இணைந்துவிட்டதாக அர்த்தம் இல்லை என்று அவர் திட்டவட்டமாகத் தெரிவித்துள்ளார்.

தவெக அமைச்சரவை விவகாரத்தை முன்வைத்து, விசிக கட்சி தங்களின் தற்போதைய கூட்டாளியான திமுகவிற்குத் துரோகம் இழைத்துவிட்டதாகப் பல்வேறு தரப்பிலிருந்து விமர்சனங்கள் எழுப்பப்பட்டு வருகின்றன. இந்த விமர்சனங்களை மறுத்துள்ள திருமாவளவன், தற்போதைய நிலை வரை தாங்கள் திமுகவுடன் தொடர்ந்து நல்ல நட்புடன்தான் இருந்து வருவதாகக் கூறி அந்த வதந்திகளுக்கு முற்றுப்புள்ளி வைத்துள்ளார்.

கூட்டணி அமைப்பது தொடர்பாகத் தனது ஆதரவு கட்சிகளுடன் தவெக தலைவர் விஜய் விரிவான ஆலோசனை நடத்தியுள்ளார். இருப்பினும், நடைபெற்ற அந்த ஆலோசனைக் கூட்டத்தில் கூட்டணி அமைப்பது குறித்து இதுவரை எந்தவொரு இறுதி முடிவும் எடுக்கப்படவில்லை என்பதையும் திருமாவளவன் தெளிவாக விளக்கியுள்ளார்.