“இதையெல்லாம் கூடவா கடத்துவாங்க..?” ஸ்கேனரில் தெரிந்த மர்ம அசைவு… சூட்கேஸைத் திறந்ததும் நடுங்கிப் போன அதிகாரிகள்.. வெளிநாட்டுக்கு கிளம்பிய கில்லாடி கும்பலின் பயங்கர பின்னணி..!!

பெருநாட்டின் தலைநகரான லிமா விமான நிலையத்தில், வனவிலங்கு கடத்தல்காரர்களுக்கு எதிராக பெரும் நடவடிக்கை எடுக்கப்பட்டுள்ளது. ஜெர்மனிக்குச் செல்லும் விமானத்தில் ஏறுவதற்காக செக்-இன் செய்த மூன்று வெளிநாட்டுப் பயணிகளின் உடமைகளை அதிகாரிகள் வழக்கமான சோதனைக்கு உட்படுத்தியபோது, அவர்கள் அதிர்ந்து போனார்கள். வனவிலங்குகள் கடத்தப்படுவதாகக் கிடைத்த முந்தைய தகவலின் அடிப்படையில் பொலிஸாரும் வனத்துறையினரும் இந்த நடவடிக்கையை மேற்கொண்டனர்.

அந்த உடமைகளைத் திறந்து பார்த்தபோது, உள்ளே துணிகளுக்குப் பதிலாக சுமார் 3,000 உயிருள்ள டாரன்டுலா சிலந்திகள் இருப்பது கண்டுபிடிக்கப்பட்டது. இந்த சிலந்திகள் மிகவும் தந்திரமான முறையில் மறைத்து வைக்கப்பட்டு இருந்தன. சுமார் 15 முதல் 22 அழுக்கு காலுறைகளுக்குள் சிறிய பிளாஸ்டிக் பெட்டிகளில் வைத்து அவை கடத்தப்பட்டன. இதில் முட்டைகள், குஞ்சுகள் மற்றும் அமேசான் காடுகளின் பெரிய வகை சிலந்திகளும் அடங்கும், அவை வெளிநாடுகளுக்கு சட்டவிரோதமாக எடுத்துச் செல்லப்பட்டன.

இந்தச் சம்பவம் தொடர்பாக இரண்டு ஜெர்மன் மற்றும் ஒரு போலந்து நாட்டைச் சேர்ந்தவர்கள் கைது செய்யப்பட்டுள்ளனர். ஐரோப்பாவில் ஒரு டாரன்டுலா சிலந்தியின் விலை சுமார் 500 யூரோக்கள் (இந்திய மதிப்பில் சுமார் 50,000 ரூபாய்) வரை விற்கப்படுவதால், இது கோடிக்கணக்கான ரூபாய் மதிப்புள்ள சட்டவிரோத வர்த்தகமாகும். மீட்கப்பட்ட அனைத்துச் சிலந்திகளும் தற்போது வனத்துறையின் பாதுகாப்பில் வைக்கப்பட்டுள்ளதோடு, விசாரணைக்குப் பிறகு அவற்றின் இயற்கையான வாழிடமான காடுகளிலேயே விடப்படும்.