“நான் சுத்தம் செய்ய முடியாது..” நடுரோட்டில் குட்கா துப்பிட்டு ரகளைபண்ணிய கார் டிரைவர்..! கடைசியில் பெண் செய்த தரமான சம்பவம்..!!

நவி மும்பை பாம் பீச் சாலையில் காரோட்டி ஒருவர் குட்கா துப்பியதைக் கண்ட பெண் குடியிருப்புவாசி ஒருவர், உடனடியாக அந்த ஓட்டுநரிடம் சென்று தட்டிக் கேட்டார். இது தொடர்பான வீடியோ சமூக வலைதளங்களில் வெளியாகி வைரலாகி வருகிறது. ரீச்சா சமீத் என்ற சமூக வலைதளப் பயனர் பகிர்ந்த அந்த வீடியோவில், ஓட்டுநரின் கார் கதவின் அருகே சாலையில் குட்கா கறை படிந்திருப்பதையும், அதைத் தொடர்ந்து பெண் குடியிருப்புவாசிக்கும் ஓட்டுநருக்கும் இடையே வாக்குவாதம் நடப்பதையும் காண முடிகிறது. தான் குட்கா துப்பியதை நேரில் பார்த்ததாக அந்தப் பெண் கூறிய போதிலும், “நான் துப்பவே இல்லை, அதனால் இதைச் சுத்தம் செய்ய மாட்டேன்” என்று கூறி அந்த ஓட்டுநர் குற்றச்சாட்டைக் கடுமையாக மறுத்தார். எனினும், அந்த ஓட்டுநரின் காரின் கதவிலும் குட்கா கறைகள் படிந்திருந்தன.

அந்தப் பெண்ணுக்கும் ஓட்டுநருக்கும் இடையே வாக்குவாதம் தீவிரமடைந்த நிலையில், அருகில் பணியில் இருந்த இரண்டு பாதுகாப்பு ஊழியர்களும் அங்கு வந்து ஓட்டுநரிடம் கேள்வி எழுப்பினர். மேலும், பொது இடங்களில் எச்சில் அல்லது குட்கா துப்புவது அபராதம் விதிக்கப்படக்கூடிய குற்றம் என்பதை அந்தப் பெண் ஓட்டுநருக்கு சுட்டிக்காட்டி எச்சரித்தார்.

https://www.instagram.com/reel/DfYy3ocIdHq/?utm_source=ig_web_button_share_sheet

ஆரம்பத்தில் தன் மீதான குற்றச்சாட்டையும், கறையைச் சுத்தம் செய்வதையும் மறுத்து வாதிட்டு வந்த அந்த ஓட்டுநர், இறுதியாகத் தண்ணீர்ப் பாட்டிலில் இருந்த நீரைக் ஊற்றி அந்த குட்கா கறையைக் கழுவிச் சுத்தம் செய்தார். இருப்பினும், கறையைச் சுத்தம் செய்யும் போதும் அவர் அந்தப் பெண்ணுடன் தொடர்ந்து காரசாரமாக விவாதித்துக் கொண்டே இருந்தார்.