“அன்புக்கு ஏது மதம்..?” வகுப்பறையில் முஸ்லிம் ஆசிரியை பாடிய மனதை உருக்கும் சத் பூஜை பாடல்..! இணையத்தை கலக்கும் நெகிழ்ச்சி வீடியோ..!!

சமூக வலைத்தளங்களில் தற்போது ஒரு முசுலிம் பெண் ஆசிரியை வகுப்பறையில் பவ்யமாக ஹிஜாப் அணிந்து கொண்டு, மாணவர்களுடன் இணைந்து ‘சத்’ திருவிழாவின் பாரம்பரியப் பாடலைப் பாடும் வீடியோ ஒன்று இணையத்தில் வைரலாகி வருகிறது. இந்த வீடியோவில், மாணவர்கள் அவரிடம் “மேம், உங்களுக்குச் சத் பாடல் தெரியாதா..?” என்று வெகுளியாகக் கேட்க, அதற்கு அந்த ஆசிரியை தன்னைத் கட்டுப்படுத்திக் கொள்ள முடியாமல் குழந்தைகளுடன் இணைந்து மிக அழகாகவும் சுருதியாகவும் பாடியுள்ளார். அவரது இந்த ஈடுபாடும் குரல் வளமும் பலரது மனதைக் கவர்ந்து சமூக வலைத்தளங்களில் பாராட்டுக்களைக் குவித்து வருகிறது.

இந்த வீடியோவை வெளியிட்ட அந்த ஆசிரியை, “நான் ஒரு முசுலிம் தான், ஆனால் அன்புக்கும் மரியாதைக்கும் எந்த மதமும் கிடையாது” என்ற கருத்தைப் பகிர்ந்துள்ளார். அவர் பாடியுள்ள புகழ்பெற்ற பாரம்பரியப் பாடலான “ஜோடே-ஜோடே ஃபல்வா சுருஜ் தேவ் கட்வா பே தேஹின் சதாய்…” என்ற பாடல், மறைந்த பிரபல நாட்டுப்புறக் கலைஞர் பத்மபூஷன் சாரதா சின்கா அவர்களால் பாடப்பட்ட காலத்தால் அழியாத பாடலாகும். பல்வேறு மதங்களைச் சேர்ந்த மக்களும் நாட்டின் கலாச்சார மற்றும் பாரம்பரிய விழாக்களில் எந்தவித பேதமுமின்றி இணைந்து மகிழ முடியும் என்பதை இந்த நிகழ்வு அழகாக எடுத்துக் காட்டுவதாகப் பலரும் கருத்து தெரிவித்து வருகின்றனர்.

மறுபுறம், இந்த வைரல் வீடியோவின் உண்மைத் தன்மை மற்றும் அதன் எடிட்டிங் முறை குறித்து சமூக வலைத்தள பயனர்கள் சிலர் கேள்விகளையும் விவாதங்களையும் எழுப்பியுள்ளனர். சிலர் இது நமது நாட்டின் சகிப்புத்தன்மை மற்றும் மத நல்லிணக்கத்திற்கு மிகச் சிறந்த எடுத்துக்காட்டு என்று புகழ்ந்து தள்ளினாலும், வேறு சிலர் இதில் வீடியோ அல்லது ஆடியோ எடிட் செய்யப்பட்டுள்ளதா என்ற சந்தேகத்தையும் வெளிப்படுத்தியுள்ளனர். இருப்பினும், இந்த வீடியோ எங்கு எடுக்கப்பட்டது அல்லது அந்த ஆசிரியை யார் என்பது குறித்த அதிகாரப்பூர்வ தகவல்கள் இன்னும் முழுமையாக உறுதிப்படுத்தப்படவில்லை.