அந்த சிரிப்ப பாருங்க..! இயற்கையான கண் போலவே வடிவமைக்கப்பட்ட செயற்கைக் கண்.. கண்ணாடியில் தன்னைப் பார்த்து சிறுமி புன்னகைக்கும் நெகிழ்ச்சி வீடியோ..!!

செயற்கை உறுப்பு நிபுணர் ரவிகாந்த் ஷர்மாவால் பிரத்யேகமாக உருவாக்கப்பட்ட, மூக்குக் கண்ணாடியுடன் பொருத்தப்பட்ட செயற்கைக் கண்ணைப் பெற்ற பிறகு சிறுமி ஒருவர் மனம் திறந்து புன்னகைக்கும் நெகிழ்ச்சியான காட்சி தற்போது இணையத்தில் வைரலாகி வருகிறது. தத்ரூபமான முறையில் வடிவமைக்கப்பட்டுள்ள இந்தச் செயற்கை உறுப்பு, சிறுமியின் இயற்கையான கண்ணின் தோற்றத்துடன் மிகச் சரியாகப் பொருந்தும்படி நுணுக்கமாக உருவாக்கப்பட்டுள்ளது.

தனது முகத்திற்குப் பொருத்தமான இந்தச் செயற்கைக் கண்ணை அணிந்து கண்ணாடியில் பார்த்த அந்தச் சிறுமி, மிகுந்த மகிழ்ச்சியுடனும் தன்னம்பிக்கையுடனும் அழகாகப் புன்னகைத்துள்ளார். மருத்துவத் தொழில்நுட்பமும் கலைநயமும் இணைந்து ஒரு குழந்தையின் முகத்தில் மீண்டும் சிரிப்பை வரவழைத்த இந்த அழகிய தருணம், காண்போரின் கண்களில் ஆனந்தக் கண்ணீரை வரவழைத்துள்ளது.

சமூக வலைதளங்களில் வேகமாகப் பரவி வரும் இந்தக் காணொளியைப் பார்த்த இணையவாசிகள் பலரும் நெகிழ்ச்சியடைந்துள்ளனர். சிறுமியின் வாழ்வில் புதிய ஒளியையும் மகிழ்ச்சியையும் கொண்டு வந்த செயற்கை உறுப்பு நிபுணர் ரவிகாந்த் ஷர்மாவின் அர்ப்பணிப்பையும் திறமையையும் பலரும் மனதாரப் பாராட்டி வருகின்றனர்.