LATEST NEWS
“சிகிச்சக்கு வந்த இடத்தில் இப்படியொரு சோதனையா..?” பச்சிளம் குழந்தையைக் காக்கப் போராடும் தந்தை… அரசு மருத்துவமனையின் அவல நிலை.. நெஞ்சை உலுக்கும் வீடியோ..!!
நோய்களைக் குணப்படுத்திக் கொள்ளவே நோயாளிகள் மருத்துவமனைக்கு வருகிறார்கள்; ஆனால், அங்கு மற்றொரு புதிய நோயின் அபாயத்தை எதிர்கொள்ள அல்ல. மதுரை அரசு இராஜாஜி மருத்துவமனையில் நிலவும் கடுமையான கொசுத் தொல்லையால், நோயாளிகளுக்கும் அவர்களுடன் தங்கியிருப்பவர்களுக்கும் டெங்கு மற்றும் மலேரியா போன்ற கொடிய காய்ச்சல்கள் பரவும் அபாயம் ஏற்பட்டுள்ளது. சிகிச்சைக்காக வரும் மக்களுக்குப் பாதுகாப்பான சூழல் அமைய வேண்டிய இடத்தில், சுகாதாரச் சீர்கேடு காரணமாகக் கொசுக்களின் ஆதிக்கம் அதிகரித்திருப்பது பெரும் கவலையை ஏற்படுத்தியுள்ளது.
இந்த அவல நிலையை வெளிப்படுத்தும் வகையில் வெளியாகியுள்ள காணொளிகளில், கைக்குழந்தையை வைத்திருக்கும் தந்தை ஒருவர், குழந்தையைக் கொசுக்கடியிலிருந்து காப்பாற்றத் துணியால் தொடர்ந்து வீசிக்கொண்டிருக்கும் காட்சி பார்ப்போரைக் கலங்கச் செய்கிறது. மற்றொரு காட்சியில், மருத்துவமனைப் பாதுகாவலர் ஒருவருக்கு அருகிலேயே சிறுவர்கள் கொசுக்களை விரட்டப் போராடும் அவலமும் பதிவாகியுள்ளது. மருத்துவமனை நிர்வாகம் உடனடியாகத் தலையிட்டு, வளாகம் முழுவதும் கொசு ஒழிப்பு நடவடிக்கைகளைத் தீவிரப்படுத்த வேண்டும் என்பதே அனைவரின் எதிர்பார்ப்பாக உள்ளது.
