“அடிப்பாவிகளா.. ஒரு சின்ன குழி தோண்டுனதுக்கு இப்படியா..?” நடுரோட்டில் பெண்ணை உயிருடன் கொளுத்த முயன்ற கும்பல்… இணையத்தை உலுக்கும் வீடியோ..!!

உத்தரப் பிரதேச மாநிலம் சந்தௌலி மாவட்டத்தில் உள்ள ஜெய் மோஹனி போஸ்டா கிராமத்தில், ஒரு சிறிய நிலப்பகுதியில் குழி தோண்டுவது தொடர்பான தகராறில் பெண் ஒருவர் மீது பெட்ரோல் ஊற்றி எரிக்க முயன்ற நெஞ்சை பதறவைக்கும் கொடூரச் சம்பவம் அரங்கேறியுள்ளது. நிலப் பிரச்சினை தொடர்பாக இருதரப்பிற்கு இடையே ஏற்பட்ட இந்த மோதல், இறுதியில் ஒரு பெண்ணை உயிருடன் கொளுத்த முயலும் அளவிற்கு மிக விபரீதமாக மாறியுள்ளது. இந்தச் சம்பவத்தைத் தொடர்ந்து, சட்ட ஒழுங்கைக் கையில் எடுத்துக்கொண்டு அராஜகத்தில் ஈடுபட்ட குற்றவாளிகளை உடனடியாகக் கைது செய்ய வேண்டும் எனப் பொதுமக்கள் தரப்பில் கோரிக்கைகள் வலுத்து வருகின்றன.

இந்தக் கொடூரச் சம்பவத்திற்குப் பிறகு, கிராமத்தில் பால்டேவ் யாதவ் மற்றும் மங்கள் யாதவ் ஆகியோருக்கு ஆதரவாகப் பெரும் திரளான மக்கள் திரண்டு மிகப்பெரிய அளவில் போராட்டம் மற்றும் முழக்கங்களை எழுப்பியதால் அந்தப் பகுதியில் பெரும் பதற்றமும் பரபரப்பும் நிலவியது. சட்டத்தைத் தன் கையில் எடுத்துக்கொண்டு, ஒரு பெண்ணின் உயிருக்கு ஆபத்தை விளைவிக்க முயன்ற சமூக விரோதிகளைச் சற்றும் தாமதிக்காமல் உடனடியாகக் கைது செய்து கடுமையான சட்ட நடவடிக்கை எடுக்க வேண்டும் என்று மாவட்ட நிர்வாகத்திற்கு பொதுமக்கள் மற்றும் சமூக ஆர்வலர்கள் அவசரக் கோரிக்கை விடுத்துள்ளனர்.