“நெடுஞ்சாலையோரம் கிடந்த மர்மப் பெட்டி…” திறந்து பார்த்த போலீசாருக்குக் காத்திருந்த பேரதிர்ச்சி.. அண்டை வீட்டுக்காரருடன் சேர்ந்து மனைவி செய்த கொடூரம்.. நடுங்க வைக்கும் சம்பவம்..!!

உத்தரப் பிரதேச மாநிலம் மீரட்டில் நடந்த ‘டிரம் கொலைச் சம்பவத்தை’ தொடர்ந்து, தற்போது உன்னாவ் பகுதியில் கணவனைக் கொன்று உடலை பெட்டிக்குள் அடைத்து சாலையோரம் வீசிய மற்றொரு கொடூரமான ‘பெட்டிச் சம்பவம்’ வெளிச்சத்திற்கு வந்துள்ளது. குடும்பத் தகராறு காரணமாக மனைவி தனது கணவனைக் கொலை செய்து, அவரது உடலை ஒரு பெரிய பெட்டிக்குள் திணித்து, நெடுஞ்சாலையோரம் யாருக்கும் தெரியாமல் வீசியதாகக் குற்றம் சாட்டப்பட்டுள்ளது. இந்த மனிதாபிமானமற்ற கொடூரக் குற்றத்தில் அந்தப் பெண்ணிற்கு உதவியாக அண்டை வீட்டுக்காரர் ஒருவரும் உடந்தையாக இருந்துள்ளார் என்பதை காவல்துறை விசாரணையில் கண்டுபிடித்துள்ளனர்.

நெடுஞ்சாலையோரம் சந்தேகத்திற்கிடமான முறையில் கிடந்த அந்தப் பெட்டியைப் பார்த்த உள்ளூர் மக்கள் போலீசாருக்குத் தகவல் கொடுத்ததை அடுத்து இந்தத் துயரச் சம்பவம் அம்பலமானது. பெட்டியைத் திறந்து பார்த்த போலீசார், அழுகிய நிலையில் இருந்த கணவனின் உடலைக் கைப்பற்றி பிரேதப் பரிசோதனைக்கு அனுப்பி வைத்தனர். இந்தத் திட்டமிட்ட கொலை வழக்கு குறித்து உன்னாவ் போலீசார் தீவிர விசாரணை நடத்தி, கொலை செய்த மனைவி, அவருக்கு உதவிய அண்டை வீட்டுக்காரர் உட்பட மொத்தம் மூன்று குற்றவாளிகளைக் கைது செய்துள்ளனர். இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.