நள்ளிரவில் ரத்த ஆறு… ஆயுதங்களுடன் பதுங்கியிருந்த மர்மக் கும்பல்… விசிக பிரமுகருக்கு நடந்த கொடூரம்.. நடுங்க வைக்கும் பின்னணி…!!

ராணிப்பேட்டை மாவட்டம் நாகலேரி கிராமத்தைச் சேர்ந்த விடுதலைச் சிறுத்தைகள் கட்சியின் மாவட்ட செயற்குழு உறுப்பினரான சிவா, நேற்றிரவு ஒரு மர்மக் கும்பலால் கொடூரமான முறையில் வழிமறித்து வெட்டிக் கொலை செய்யப்பட்டுள்ளார். கட்சியில் தீவிரமாகச் செயல்பட்டு வந்த இவர், நேற்று இரவு சாலையில் சென்று கொண்டிருந்தபோது, அங்கு ஆயுதங்களுடன் மறைந்திருந்த கும்பல் ஒன்று அவரைச் சூழ்ந்து கொண்டு சரமாரியாக வெட்டியுள்ளது. இதில் பலத்த காயமடைந்த சிவா, சம்பவ இடத்திலேயே துடிதுடித்துப் பரிதாபமாக உயிர் பிரிந்தார். இந்தத் தகவல் காட்டுத்தீ போல் பரவியதை அடுத்து, விசிக தொண்டர்களும் உள்ளூர் பொதுமக்களும் அங்கு பெருமளவில் குவியத் தொடங்கினர்.

கொலையாளிகளை உடனடியாகக் கைது செய்யக் கோரி, ஆத்திரமடைந்த உள்ளூர் மக்களும் கட்சித் தொண்டர்களும் சாலையில் திரண்டு விடிய விடிய அதிரடி ஆர்ப்பாட்டத்தில் ஈடுபட்டனர். இதனால் ராணிப்பேட்டையின் அந்தப் பகுதியில் போக்குவரத்து முற்றிலும் பாதிக்கப்பட்டு, பெரும் சட்டம் ஒழுங்குப் பதற்றம் நிலவி வருகிறது. அசம்பாவிதங்களைத் தடுக்க சம்பவ இடத்தில் பெருமளவிலான போலீசார் குவிக்கப்பட்டுள்ளனர். இந்தத் துயரமான படுகொலை குறித்துப் போலீசார் வழக்குப் பதிவு செய்து, கொலையாளிகளைப் பிடிப்பதற்காகத் தனிப்படைகள் அமைத்துத் தீவிரத் தேடுதல் வேட்டையைத் தொடங்கியுள்ளனர்.