“என்னைப்போல யாரும் சிகிச்சையின்றி துடிக்கக் கூடாது” நான் ஒருநாள் டாக்டர் ஆவேன்… ஒற்றைக் காலில் பள்ளிக்குச் செல்லும் சிறுமி ராகினியின் கண்ணீர்… முச்சக்கர வண்டி கூட தராத அரசு அதிகாரிகளின் அலட்சியம்..!!

உத்தரப் பிரதேச மாநிலம் பல்லியாவைச் சேர்ந்த ராகினி என்ற சிறுமி, விபத்து மற்றும் வறுமையின் கொடூரமான சோதனைகளுக்கு மத்தியிலும் தனது கல்விக்கான போராட்டத்தை கைவிடாமல் ஒற்றைக் காலில் பள்ளிக்குச் செல்லும் நெகிழ்ச்சியான வீடியோ இணையத்தில் வைரலாகி வருகிறது. சிறு வயதில் ஏற்பட்ட ஒரு விபத்தில் ராகினியின் ஒரு கால் கடுமையாகப் பாதிக்கப்பட்டது. குடும்பத்தின் கடுமையான வறுமை காரணமாக, அவருக்கு முறையான மருத்துவச் சிகிச்சை அளிக்க முடியாததால், அவரது கால் நிரந்தரமாகச் செயலிழந்து போனது.

https://twitter.com/ErKripaShankary/status/2094676205866041765/video/2

இந்தக் கடுமையான உடல் ஊனத்தையும், வறுமையையும் ஒரு தடையாகக் கருதாமல், ராகினி தினமும் ஒற்றைக் காலில் நொண்டி நொண்டியே மிகுந்த சிரமத்துடன் பள்ளிக்குச் சென்று படித்து வருகிறார். எதிர்காலத்தில் கடினமாகப் படித்து ஒரு சிறந்த மருத்துவராக வேண்டும் என்பதே இந்தச் சிறுமியின் லட்சியமாகும். தன்னைப்போல எந்தவொரு ஏழைச் சிறுமியும் பண வசதி மற்றும் முறையான சிகிச்சை இல்லாத காரணத்தால் அவதிப்படக் கூடாது என்பதற்காகவே தான் மருத்துவராக விரும்புகிறேன் என்று அவர் கண்ணீருடன் கூறுகிறார்.

தன்னம்பிக்கையுடன் போராடும் இந்தச் சிறுமிக்கு அரசாங்கம் சார்பில் ஒரு மாற்றுத்திறனாளிகளுக்கான முச்சக்கர வண்டி வழங்கப்பட வேண்டும் என்பதே பலரின் எதிர்பார்ப்பாக உள்ளது. இருப்பினும், நமது அரசு அதிகாரத்துவ அமைப்பில் உள்ளவர்கள் இன்னும் இந்த ஏழைச் சிறுமியின் வலியையும், கல்வி மீதான அவரது தீராத தாகத்தையும் உணர்ந்து உதவ முன்வரவில்லை என்பது வேதனையளிக்கிறது.