LATEST NEWS
“திமுகவில் இருந்து விலகலா..? அன்பில் மகேஸ் எடுத்த அதிரடி முடிவு..!” வதந்திகளுக்கு முற்றுப்புள்ளி வைத்த ஒற்றைப் பதிவு..!!
அன்பில் மகேஸ் மற்றும் உதயநிதி இடையேயான நட்பில் விரிசல் ஏற்பட்டுள்ளதாகவும், அவர் திமுகவில் இருந்தே விலகப்போவதாகவும் இணையத்தில் செய்திகள் பரவி வந்தன. இந்த வதந்திகள் அரசியல் வட்டாரத்தில் பெரும் பரபரப்பையும் பலவிதமான ஊகங்களையும் ஏற்படுத்தியிருந்தன.
இந்நிலையில், தமிழக அரசின் அண்ணல் அம்பேத்கர் அயலக உயர்கல்வித் திட்டத்தின் கீழ் உதவித்தொகை பெறுவதில் மாணவர்கள் எதிர்கொள்ளும் சிரமங்களை விரைந்து களைய வேண்டும் என்று முதலமைச்சரை வலியுறுத்தி அன்பில் மகேஸ் தனது X பக்கத்தில் பதிவிட்டுள்ளார். கட்சி மற்றும் அரசுப் பணிகளில் வழக்கம்போல் அவர் தீவிரமாக இயங்குவதை வெளிப்படுத்தும் இந்தப் பதிவு, அவர் குறித்த வதந்திகளுக்கு முற்றுப்புள்ளி வைத்துள்ளதாக அரசியல் விமர்சகர்கள் கருத்து தெரிவிக்கின்றனர்.
